ايماقتار • 26 قاڭتار، 2021

تۇرعىن ۇيلەردىڭ ساپاسىنا مونيتورينگ جۇرگىزىلدى

9 رەت كورسەتىلدى

«شىعىس – ادالدىق الاڭى» جوبالىق كەڭسەسىنىڭ جەتەكشىسى مارجان باحىت جانە وسكەمەن قالالىق ءماسليحاتىنىڭ حاتشىسى الەكساندر سۆەتاش وسكەمەن قالاسى شىعىس اۋىلىنداعى «نۇرلى جەر» مەملەكەتتىك باعدارلاماسى اياسىندا سالىنعان بىرقاباتتى تۇرعىن ۇيلەردىڭ ساپاسىنا قوعامدىق باقىلاۋ جۇرگىزدى، دەپ حابارلايدى Egemen.kz

بىرىڭعاي ساۋلەت ستيلىندەگى جەكە تۇرعىن ءۇي قۇرىلىسىن سالۋ ءۇشىن جالپى اۋدانى «80»، «100»، «130» شارشى مەتر بولاتىن تۇرعىن ءۇيدىڭ 3 تۇرىنە 54 جەر ۋچاسكەسى بولىنگەن. ءبىر قاباتتى تۇرعىن ۇيلەردىڭ بارلىعى زاماناۋي قۇرىلىس ماتەريالدارىمەن سالىنعان.

سوڭعى دەرەكتەرگە سايكەس 80 شارشى مەتردى قۇرايتىن تۇرعىن ۇيلەر «وتباسى بانك» تۇرعىن ءۇي قۇرىلىس جيناق بانكi» اق ارقىلى ءوزىنىڭ تولەۋگە قابىلەتتىلىگىن راستاعان 4 قاتىسۋشىعا بەرىلدى.

سونىمەن قاتار، تەكسەرىس بارىسىندا بىرقاتار كەمشىلىكتەردىڭ بار ەكەندىگى انىقتالىپ جاۋاپتى سالا باسشىلارىنا ۇسىنىس جاسالدى.

«شىعىس – ادالدىق الاڭى» جوبالىق كەڭسەسى ءوز كەزەگىندە تۇرعىن ۇيلەردىڭ ساپاسىن ۇنەمى قوعامدىق باقىلاۋدا ۇستايتىن بولادى.

سوڭعى جاڭالىقتار

ۇقساس جاڭالىقتار