مەديتسينا • 26 قاڭتار، 2021

«سق-فارماتسيا»-نى باقىلاۋشى قۇرامعا ارنايى قوعامدىق جۇمىس توبى قۇرىلدى

6 رەت كورسەتىلدى

ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ دەنساۋلىق ساقتاۋ ءمينيسترى الەكسەي تسويدان «سق-فارماتسيا» كومپانياسىنىڭ مىندەتتەمەلەرىن قايتا قاراۋ جونىندەگى تاپسىرماسى قالاي ورىندالىپ جاتقانىن سۇرادى، دەپ حابارلايدى Egemen.kz

«سق-فارماتسيا» كومپانياسىنىڭ قانداي سىن ايتىلعانىن بىلەسىزدەر. ول جەرگە سالماقتى رەفورما كەرەك. وسىعان بايلانىستى نە ىستەلدى؟»، دەدى مەملەكەت باسشىسى.

بۇل سۇراققا جاۋاپ بەرگەن الەكسەي تسوي كومپانيانىڭ جەمقورلىق تاۋەكەلدەرىنە ىشكى تالداۋ جۇمىستارى جۇرگىزىلگەنىن ءمالىم ەتتى.

«قازىرگى ۋاقىتتا ءسىزدىڭ تاپسىرماڭىزدى ورىنداۋدىڭ ناقتى جوسپارى قۇرىلعان. ول سىبايلاس جەمقورلىققا قارسى ءىس-قيمىل اگەنتتىگىنىڭ باقىلاۋىندا. ءبىز قوعامدىق جۇمىس توبىن قۇردىق. 23 ادامنان تۇراتىن جۇمىس توبىنا ازاماتتىق قوعامنىڭ، قاۋىمداستىقتاردىڭ وكىلدەرى مەن دەپۋتاتتار كىردى. ءبىزدىڭ باقىلاۋشى ونىڭ قۇرامىنا قوعام وكىلدەرىن دە ەنگىزدى»، دەيدى الەكسەي تسوي.

وسى ورايدا دەنساۋلىق ءمينيسترى ءدارى-دارمەكتى ساقتاۋ مەن تاسىمالداۋ جۇمىسىنىڭ ەلەكتروندى ساتىپ الۋ تارتىبىنە كوشكەنىن وتە ماڭىزدى ماسەلە ەكەنىن تىلگە تيەك ەتتى.

«بيىل ءدارى-دارمەكتى ساتىپ الۋ شارۋاسىن تولىعىمەن اۆتوماتتانرىۋدى كوزدەپ وتىرمىز. وسىنىڭ ارقاسىندا وتكەن جىلدان قاراعاندا ءبىرشاما قاراجاتتى ۇنەمدەي الامىز»، دەپ تولىقتىردى دەنساۋلىق ءمينيسترى.

سوڭعى جاڭالىقتار

ۇقساس جاڭالىقتار