ەكونوميكا • 26 قاڭتار، 2021

2021 جىلى الەمدىك ەكونوميكا 5،2%-عا دەيىن قالپىنا كەلۋى مۇمكىن

11 رەت كورسەتىلدى

ۇكىمەتتىڭ كەڭەيتىلگەن قۇرامداعى وتىرىسىندا ۇلتتىق بانك توراعاسى ەربولات دوساەۆ بانكتىڭ قارجىلىق تەحنولوگيالار مەن ۇلتتىق تولەم جۇيەسىن دامىتۋعا باعىتتالعان بىرقاتار ستراتەگيالىق قۇجاتتى قابىلداعانىن ءمالىم ەتتى، دەپ حابارلايدى Egemen.kz

«پاندەميا جانە ەلەكتروندى قىزمەتتەرگە سۇرانىستىڭ ءوسۋى جاعدايىندا ۇلتتىق بانك تسيفرلاندىرۋ مەن قارجىلىق تەحنولوگيالاردى بەلسەندى تۇردە دامىتتى. تسيفرلىق قىزمەتتەر ۇلەسىن ارتتىرعان جاڭا سەرۆيستەردى ەنگىزۋمەن بىرگە ۇلتتىق بانك قارجىلىق تەحنولوگيالار مەن ۇلتتىق تولەم جۇيەسىن دامىتۋعا باعىتتالعان بىرقاتار ستراتەگيالىق قۇجاتتى قابىلدادى»، دەدى ە. دوساەۆ.

ەربولات دوساەۆتىڭ ايتۋىنشا، پاندەميا ەكىنشى دۇنيەجۇزىلىك سوعىستان كەيىنگى ەڭ تەرەڭ قۇلدىراۋدى باستاي وتىرىپ، بارلىق ەلدىڭ ەكونوميكاسىنا اسەر ەتتى. نەگىزگى دامۋشى ەلدەردىڭ ىشىندە ەكونوميكانىڭ ءوسۋى جالپى ىشكى ءونىمى قىتايدا عانا وسكەن – 2،3%-عا، بىراق وندا سوڭعى 45 جىلداعى ەڭ تومەنگى دەڭگەي تىركەلدى.

«2021 جىلى الەمدىك ەكونوميكانىڭ 5،2%-عا دەيىن قالپىنا كەلۋى كۇتىلۋدە، الايدا تۇراقسىز ەپيدەميالىق جاعدايعا، سونداي-اق ۆاكتسينالاۋ پروتسەسىنىڭ جىلدامدىعى مەن تيىمدىلىگىنە بايلانىستى نەعۇرلىم باياۋ قالپىنا كەلۋ تاۋەكەلى ساقتالىپ وتىر»، دەدى ۇلتتىق بانك باسشىسى.

سوڭعى جاڭالىقتار

ۇقساس جاڭالىقتار