قر ءتسدياوم باسشىسى ىشكى ىستەر مينيسترلىگى ۇسىنعان ازاماتتاردىڭ قاۋىپسىزدىگىن قامتاماسىز ەتۋ سالاسىنداعى جوبالار جان-جاقتى ويلاستىرىلعانىن جانە ولاردى پايدالانۋ وڭاي ەكەنىن اتاپ ءوتتى. باعدات مۋسين, سونداي-اق, قر ءتسدياوم ءوز تاراپىنان ءىىم-گە ينتەگراتسيالىق ۇدەرىستەرگە كومەك كورسەتۋدى جالعاستىراتىنىن ايتتى.
ءوز كەزەگىندە, ءىىم باسشىسى ۇسىنىلعان جوبالار پيلوتتىق رەجيمدە اپروباتسيالانعانىن جانە پايدالانۋعا دايىن ەكەنىن حابارلادى.
وسىلايشا, ءىىم 1 اقپاننان باستاپ 102 ءموبيلدى قوسىمشاسىن ىسكە قوسادى. سەرۆيس «ازاماتتاردىڭ وتىنىشتەرىن قابىلداۋ پروتسەسىنىڭ بىرىزدىلىگى» جوباسىنىڭ ءبىر بولىگى بولىپ تابىلادى. ونىڭ مىندەتى – پوليتسيانىڭ حالىقتىڭ سۇرانىسىنا جاۋاپ بەرۋىن قامتاماسىز ەتۋ.
ازىرلەنگەن قوسىمشانىڭ كومەگىمەن ەلدىڭ ءاربىر تۇرعىنى جاسالعان قۇقىق بۇزۋشىلىق نەمەسە قىلمىس تۋرالى اقپارات جولداپ, ونىڭ جاۋاپسىز قالمايتىنىنا سەنىمدى بولا الادى. جۇيە ارقىلى ءوتىنىش بەرۋگە, وپەراتورمەن اۋديو نەمەسە بەينە قوڭىراۋ ارقىلى بايلانىسۋعا, قىزمەت الۋعا, سونداي-اق شاقىرۋ ورنىنا بارعان پوليتسيا جاساعىنىڭ ورنالاسقان جەرىن باقىلاۋعا بولادى.
سونداي-اق, بىرلەسكەن كەڭەستە «SOS تۇيمەسى» تانىستىرىلدى. ءىىم بۇل توتەنشە شاقىرۋ قۇرىلعىسىن دامىعان ەلدەردىڭ تاجىريبەسى بويىنشا كوشەلەردە, قوعامدىق ورىنداردا, سونداي-اق جولداردا ورناتۋدى ۇسىنادى. دابىل تۇيمەسىن باسۋ ارقىلى ءسىز قۇقىق بۇزۋشىلىق تۋرالى حابارلاما جىبەرە الاسىز نەمەسە پوليتسيادان كومەك سۇراي الاسىز.
مينيستر باعدات مۋسين تسيفرلىق جوبالار ەل ءۇشىن وتە ماڭىزدى ەكەنىن, ءاربىر ازامات وڭ اسەرىن الاتىنىن, ونىڭ ىشىندە قاۋىپسىزدىك دەڭگەيى كوتەرىلەتىنىن اتاپ ءوتتى.
بۇدان باسقا, بالانىڭ ورنالاسقان جەرىن باقىلاۋعا مۇمكىندىك بەرەتىن «مەنى تاپ» بالالار قاۋىپسىزدىگى جۇيەسى ىسكە قوسۋعا دايىن. بالالار قوعامنىڭ ەڭ قورعالماعان بولىگى بولىپ تابىلادى جانە ولار كوبىنەسە ەرەسەكتەر تاراپىنان جاسالاتىن زورلىق-زومبىلىقتىڭ نەمەسە باسقا دا زاڭسىز ارەكەتتەردىڭ قۇربانى بولادى. جاڭا جۇيە اتا-انالارعا سمارتفونداردىڭ كومەگىمەن بالالارىن قاشىقتىقتا دا باقىلاۋعا, ولاردىڭ قوزعالىسى تۋرالى بىلۋگە كومەكتەسەدى. قاۋىپ تۋىنداعان جاعدايدا بالا نەگىزگى تىزبەكتەگى تۇيمەنى پايدالانادى جانە دابىل اۆتوماتتى تۇردە اتا-انالارعا دا, پوليتسياعا دا بەرىلەدى. بۇل قاۋىپ-قاتەردىڭ الدىن الۋعا مۇمكىندىك بەرەدى.
«ىشكى ىستەر مينيسترلىگى ءوز قىزمەتىندە زاماناۋي تەحنولوگيالاردى بارىنشا پايدالانۋدى ماقسات ەتىپ قويدى. ۆەدومستۆونىڭ بارلىق كۇش-جىگەرى, ەڭ الدىمەن, ەل تۇرعىندارىنىڭ مۇددەلەرىن قورعاۋعا, قىلمىستار مەن قۇقىق بۇزۋشىلىقتاردىڭ سانىن ازايتۋعا باعىتتالعان. پوليتسيانى تسيفرلاندىرۋ قۇقىقتىق ءتارتىپتى قورعاۋ جانە ازاماتتاردىڭ قاۋىپسىزدىگى مەن تىنىشتىعىن قامتاماسىز ەتۋ سالاسىنداعى جۇمىستىڭ ساپالى, جاڭا دەڭگەيىن قامتاماسىز ەتەدى», - دەپ اتاپ ءوتتى ەرلان تۇرعىمباەۆ.
ءىىم باسشىسى تسيفرلاندىرۋ بويىنشا جۇمىس جۇرگىزۋ بارىسىندا ۆەدومستۆو مەملەكەتتىك قىزمەتتەردى اۆتوماتتاندىرۋعا كوپ كوڭىل بولەدى, ويتكەنى بۇل حالىققا قىزمەت كورسەتۋ مەرزىمىن قىسقارتۋعا مۇمكىندىك بەرەتىنىن اتاپ ءوتتى. 2020 جىلى ءىىم 9 ملن-عا جۋىق مەملەكەتتىك قىزمەت كورسەتكەن. 40 قىزمەتتىڭ 38 ءتۇرى نەمەسە 95 %-ى اۆتوماتتاندىرىلعان.
