2021 جىلعى 25 قاڭتاردا Astana Hub الاڭىندا قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين مەن قر ىشكى ىستەر ءمينيسترى ەرلان تۇرعىمباەۆتىڭ بىرلەسكەن كەڭەسى ءوتتى.كەڭەس بارىسىندا باعدات مۋسين مەن ەرلان تۇرعىمباەۆ تسيفرلاندىرۋ سالاسىنداعى بىرلەسكەن جوبالار مەن الداعى جۇمىس جوسپارلارىن تالقىلادى.
سونداي-اق, قر ءتسدياوم قر ءىىم-مەن بىرلەسىپ جۇزەگە اسىرعان ەكىنشى دەڭگەيدەگى بانكتەردىڭ ءموبيلدى قوسىمشالارىندا كولىك قۇرالدارىن قايتا تىركەۋ سەرۆيسى تانىستىرىلدى. بۇرىن جەكە تۇلعالار اۆتوكولىكتى تەك مامانداندىرىلعان حالىققا قىزمەت كورسەتۋ ورتالىقتارىندا نەمەسە “ەلەكتروندىق ۇكىمەت” پورتالىندا تىركەي الاتىن. پيلوتتىق رەجيمدە بۇل مەملەكەتتىك قىزمەت Kaspi.kz قوسىمشاسىندا اپروباتسيالاندى. اۆتوكولىكتى ونلاين تىركەۋ مۇمكىندىگى باسقا دا ءموبيلدى قوسىمشالاردا پايدا بولادى.
– ەندى ساتۋشى قوسىمشادا ءاۆتوموبيلدى ەسەپتەن شىعارعاندا, سەرۆيس كولىك قۇرالىنىڭ شەكتەۋلەرىنىڭ, ايىپپۇلدارىنىڭ جانە سالىق بەرەشەكتەرىنىڭ بار-جوعىنا اۆتوماتتى تۇردە تەكسەرۋ جۇرگىزەدى. ەگەر تولەنبەگەن سالىقتار مەن ايىپپۇلدار بولسا, ساتۋشى ولاردى بىردەن سول قوسىمشادا تولەي الادى. ساتىپ الۋشى ساتىپ الۋ ءۇشىن اقشا اۋدارادى, باج سالىعىن تولەيدى, اۆتوكولىكتى ەسەپكە قويادى جانە مەملەكەتتىك ءنومىر بەلگىسىن ونلاين تاڭدايدى, – دەدى ءتسدياوم باسشىسى باعدات مۋسين.
– جاڭا سەرۆيستى پايدالانا وتىرىپ, اۆتوكولىكتى ساتىپ الۋشى مەن ساتۋشى مەملەكەتتىك ورگاندارعا جۇگىنبەي, بۇل پروتسەدۋرالاردى ءوز بەتىنشە جاساي الادى. ونلاين مامىلە اياقتالعاننان كەيىن قۇجاتتاردى جانە مەملەكەتتىك نومىرلىك بەلگىنى “ەلەكتروندىق ۇكىمەت” پورتالى ارقىلى ۇيگە جەتكىزۋگە تاپسىرىس بەرۋگە نەمەسە ولاردى مامانداندىرىلعان حقكو-دان الىپ كەتۋگە بولادى, – دەپ تولىقتىردى ءىىم باسشىسى ەرلان تۇرعىمباەۆ.
سونىمەن قاتار, Astana Hub الاڭىندا مينيسترلىكتەر باسشىلارىنا تەحنوپارك رەزيدەنتتەرىنىڭ IT-ونىمدەرى تانىستىرىلدى. ولاردىڭ ىشىندە E-Knot – م ۇلىك يەلەرى مەن كوپ پاتەرلى تۇرعىن ۇيلەردى باسقارۋ ورگاندارى, سونداي-اق ىشكى ىستەر ورگاندارىنىڭ اۋماقتىق بولىمشەلەرى اراسىنداعى ءوزارا ءىس-قيمىلدى قامتاماسىز ەتەتىن اقپاراتتىق-تسيفرلىق پلاتفورما دا بار. وسىلايشا, تۇرعىندار ءارتۇرلى كوممۋنالدىق ماسەلەلەر تۋرالى حابارلاپ, زاڭسىز ارەكەتتەر, قۇقىق بۇزۋشىلىقتار جانە باسقا دا وقيعالار تۋرالى اقپاراتتى جەدەل تۇردە ۋچاسكەلىك پوليتسيا ينسپەكتورىنا بەرە الادى. كەڭەس بارىسىندا ۆەدومستۆو باسشىلارى بىرىڭعاي رەسپۋبليكالىق بەينەباقىلاۋ جۇيەسىن قۇرۋ جانە جبو بەينەباقىلاۋ جۇيەسىن جاڭعىرتۋ, تۇزەۋ مەكەمەلەرىندە بەينەباقىلاۋ جۇيەسىن ەنگىزۋ جانە قوعامنان وقشاۋلاۋعا بايلانىستى ەمەس جازالاۋ شارالارىنا سوتتالعان ادامداردى باقىلاۋ بويىنشا ەلەكتروندىق بىلەزىكتەردى ەنگىزۋ ماسەلەلەرىن تالقىلادى.
