57 جاستاعى ارقالىق قالاسىنا قاراستى اققوشقار اۋىلىنىڭ تۇرعىنى جارقىنبەك سۇلەيمەن پوليتسەيلەر مەن تج ءبولىمىنىڭ قىزمەتكەرلەرىنە العىس حات جولدادى. ونىڭ ايتۋىنشا, ءتارتىپ ساقشىلارى قيىن ساتتە كومەككە كەلىپ, ءومىرىن امان ساقتاپ قالعان.
«جارقىنبەك سۇلەيمەن «سنەگوحودىن» ءمىنىپ, جوعالىپ كەتكەن مالىن ىزدەۋگە جەزقازعان قالاسىنا قاراي باعىت العان. ورتا جولدا ونىڭ كولىگى سىنىپ قالادى. ۇيالى بايلانىس جەلىسى بولماعان سوڭ كومەك سۇراي المادى. دالادا اداسىپ قالعان ازاماتتى ءتارتىپ ساقشىلارى ىزدەۋگە شىقتى. 250 شاقىرىم جۇرگەن پوليتسەيلەر ونى ءبىر كۇن وتكەن سوڭ تاپتى. ج.سۇلەيمەن ارقالىق قالاسىنان 95 شاقىرىم جەردە تابىلدى», دەلىنگەن ۆەدومستۆو حابارلاماسىندا.
جارقىنبەك سۇلەيمەن ايازدى كۇنى كومەككە كەلگەن ارقالىق قالاسىنىڭ پوليتسەيلەرى ءدىنمۇرات ەدرەسوۆ پەن الىشەر شەگەباەۆقا, سونىمەن قاتار تجد قىزمەتكەرلەرىنە العىس ايتتى.
