كەلەڭسىز جايت قوستاناي قالاسىنىڭ قوبىلاندى باتىر كوشەسىندە بولعان. قۇرىلىس ءجۇرىپ جاتقان نىسان اۋماعىندا ۆاگون ورتەنگەن. ءورت 75 شارشى مەتر اۋماقتى شارپىدى.
«وت قۇرىلىس نىسانىنان بىرنەشە مەتر قاشىقتىقتا ورنالاسقان 5 قاباتتى تۇرعىن ءۇيدىڭ قورشاۋىنا تارادى. وقيعا ورنىنا كەلگەن قوستاناي قالاسىنىڭ №1-ءموسب ءورت سوندىرۋشىلەرى ۆاگون ىشىندەگى سىعىلعان وتتەگى بار 3 باللون جانە سۇيىتىلعان پروپان بار 1 باللوندى الىپ شىقتى. ءورت سوندىرۋشىلەر ءۇي-جايدان بارلىق باللونداردى شىعارىپ, ءورت قاۋىپتىلىگى جوعارى ايماقتان كوشىردى. سونىمەن قاتار قۇتقارۋشىلاردىڭ كۇشىمەن كوپ قاباتتى ۇيدەن باسپالداق مارشى ارقىلى 30 ادام, ونىڭ ىشىندە 3 بالا ەۆاكۋاتسيالاندى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا», دەلىنگەن ۆەدومستۆو حابارلاماسىندا.
