ايماقتار • 25 قاڭتار، 2021

قوستانايدا 9700 تۇراقتى جۇمىس ورنى اشىلادى

4 رەت كورسەتىلدى

قوستاناي وبلىسىنىڭ اكىمى ارحيمەد مۇحامبەتوۆ قالا مەن اۋدان اكىمدەرىمەن سەلەكتورلىق كەڭەس وتكىزىپ، «ەڭبەك» باعدارلاماسىنىڭ ورىندالۋ بارىسىن تالقىلادى، دەپ حابارلايدى Egemen.kz

وتكەن جىلى وڭىردەگى شاعىن جانە ورتا بيزنەستىڭ دامۋىنا كوروناۆيرۋس پاندەمياسى ايتارلىقتاي اسەر ەتتى. سوعان قاراماستان مەملەكەتتىك باعدارلامالاردى ىسكە اسىرۋ ارقىلى كاسىپكەرلەردىڭ تابىسى ساقتالىپ، جاڭا جۇمىس ورىندارى اشىلدى. ۇكىمەت باسشىسىنىڭ تاپسىرماسىنا سايكەس، جۇمىسسىزدىقپەن كۇرەسكە ەرەكشە ءمان بەرىلدى. تۇراقتى تابىسىنان ايىرىلعاندارعا ۋاقىتشا جۇمىس تابىلدى. «ەڭبەك» باعدارلاماسىنىڭ نەگىزگى كورسەتكىشتەرى ورىندالدى. جۇمىسپەن قامتۋ شارالارىمەن 31 767 ادام قامتىلدى.

«بۇل جۇمىس بيىل دا جالعاسىن تابادى. باعدارلامانى ىسكە اسىرۋعا 9 ملرد تەڭگەدەن استام قاراجات كوزدەلگەن. قارجىنىڭ ەسەلەنۋى تيىسىنشە جۇمىس ورنىنىڭ كوبەيۋىنە ىقپال ەتەدى. بىلتىرعى 1 جەلتوقسانداعى مالىمەت بويىنشا وبلىستا 9749 تۇراقتى جۇمىس ورنى قۇرىلعان. 2021 جىلى 17 300 جۇمىس ورنىن اشۋ جوسپارلانۋدا، ونىڭ ىشىندە 9 700 تۇراقتى جۇمىس ورنى بولادى»، دەدى ءوڭىر باسشىسى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار