«كەلەسى كەزەڭدەردە بۇل سەرتيفيكاتتاردى وزگەدە ماقساتتاردا قولدانۋ مۇمكىندىگىن قاراستىراتىن بولامىز», دەپ تولىقتىردى ەۋروپالىق كەڭەس باسشىسى.
يممۋنولوگ, فرانتسيا ۇكىمەتى جانىنداعى COVID-19 عىلىمي كەڭەسىنىڭ جەتەكشىسى جان-فرانسۋا دەلفرەسسي قولدا بار كوروناۆيرۋسقا قارسى ۆاكتسينالار وڭتۇستىك افريكادا تابىلعان ۆيرۋستىڭ جاڭا مۋتاتسياسىنا قارسى تيىمدىلىگى تومەن دەپ سانايدى.
عالىمنىڭ پىكىرىنشە, ۆيرۋستىڭ جاڭا شتامدارىنىڭ فرانتسياعا ەنۋى بۇكىل ەلدە جاڭا لوكداۋنداردىڭ ەنگىزىلۋىنە سەبەپ بولادى.
يزرايل بيلىگى 31 قاڭتارعا دەيىن بارلىق اۋە قاتىناستارىن توقتاتتى. تەل-اۆيۆتەگى بەن گۋريون حالىقارالىق اۋەجايى ءبىر اپتاعا تولىعىمەن جابىلدى. بيلىك بۇل شارا SARS-CoV-2 ۆيرۋسىنىڭ جاڭا شتامدارىنىڭ ەلگە ەنۋىنە جول بەرمەيدى دەپ ۇمىتتەنەدى.
شۆەتسيا, نورۆەگيادا كوروناۆيرۋستىڭ «بريتاندىق شتاممىنىڭ» تارالۋىنا بايلانىستى اراداعى شەكارانى جاۋىپ تاستادى. شۆەتسيانىڭ ىشكى ىستەر ءمينيسترى ميكاەل دامبەرگتىڭ ايتۋىنشا, شەشىم كەم دەگەندە 14 اقپانعا دەيىن كۇشىندە بولادى.
ۇلىبريتانيادا سوڭعى تاۋلىكتە رەكوردتىق 491 970 ادام كوروناۆيرۋسقا قارسى ەكپە الدى. مەملەكەتتە ەكپە العان ادامداردىڭ جالپى سانى 6,3 ميلليوننان استى. وتكەن اپتادا COVID-19-دىڭ 251 مىڭنان استام جاڭا جاعدايى تىركەلدى, بۇل ءبىر اپتا بۇرىنعىعا كورسەتكىشتەن 22 پايىزعا از.
بەرليندەگى گۋمبولدت كلينيكاسىندا كوروناۆيرۋستىڭ «بريتاندىق شتاممىمەن» 20 ادامنىڭ جۇقتىرىلۋىنا بايلانىستى 1 500-گە جۋىق دارىگەر, مەدبيكەلەر جانە باسقا دا مەديتسينالىق جانە اكىمشىلىك قىزمەتكەرلەر كارانتينگە جىبەرىلدى. سونىمەن قاتار, كلينيكانىڭ 400-گە جۋىق پاتسيەنتى وقشاۋلانعان.
