قوعام • 25 قاڭتار، 2021

الماتىدا قىلمىستىڭ سانى ەداۋىر ازايعان

8 رەت كورسەتىلدى

2020 جىلدىڭ سوڭىندا الماتىدا قىلمىس بارلىق باعىتتار بويىنشا 47،8% تومەندەدى، دەپ حابارلايدى Egemen.kz

«بارلىق باعىتتار بويىنشا قىلمىستىق قۇقىق بۇزۋشىلىقتاردىڭ جالپى اشىلۋى 11،7%، قاتتى اۋىر – 7%، ال جەڭىل جانە ورتاشا اۋىرلىقتا – 6،2% جاقساردى. كوشەدە جاسالعان قۇقىق بۇزۋشىلىقتاردىڭ سانى 4،2 ەسەگە، قوعامدىق ورىنداردا 3،4 ەسەگە ازايدى. جالپى، دەپارتامەنتتىڭ جەكە قۇرامى شاھاردا ءتيىستى قوعامدىق ءتارتىپتى قامتاماسىز ەتۋگە جانە قالادا قىلمىستىڭ تومەندەۋى ءۇشىن بارلىق شارالاردى قابىلداۋعا دايىن. قابىلدانعان شارالار ناتيجەسىندە قاراقشىلىقپەن اينالىسقان 15 توپتىڭ، 53 – قاراقشىلىقتىڭ، 40 – پاتەر توناۋىمەن اينالىسقانداردىڭ، 15 – اۆتوكولىكتەن ۇرلىقتىڭ، 85 – قوعامدىق ورىندارداعى جەكە مەنشىكتى ۇرلاۋمەن اينالىسقانداردىڭ قىلمىستىق ارەكەتى توقتاتىلدى»، دەدى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.

سانى ازايدى:

– دەنساۋلىققا اۋىر زيان كەلتىرۋ -29،1%;

– زورلاۋ – 2،4 ەسە;

– بوتەننىڭ مۇلكىن ۇرلاۋ – 2،5 ەسە;

– پاتەرلەردەن ۇرلىق -3،6 ەسە;

– الاياقتىق -18،6%;

– توناۋ -2،2 ەسە;

– قاراقشىلىق -2،0 ەسە;

– بۇزاقىلىق -2،2 ەسە;

– كولىك قۇرالىنا يە بولۋ -36،1%;

سونداي-اق جاسالعان قۇقىق بۇزۋشىلىقتار:

– كامەلەتكە تولماعاندارمەن -35،1%;

– ادامدار توبىندا -20،7%; – قوعامدىق ورىنداردا – 3،4 ەسەگە;

– كوشەدەگى تارتىپسىزدىك 4،2 ەسە.

 

سوڭعى جاڭالىقتار

ۇقساس جاڭالىقتار