ايماقتار • 25 قاڭتار، 2021

پەتروپاۆلدا بەينەباقىلاۋ كامەراسى ورناتىلدى

30 رەت كورسەتىلدى

پەتروپاۆل قالاسىندا بۇزاقىلىقپەن كۇرەسۋ ءۇشىن ءار اۆتوتۇراق، ايالدامالاردىڭ جانىنا بەينەباقىلاۋ كامەراسى ورناتىلدى، دەپ حابارلايدى Egemen.kz

وبلىس ورتالىعىندا قوسىمشا جاڭا 120 بەينەكامەرا پايدا بولدى. بۇل – قالالىق اكىمدىكتىڭ باستاماسى.

«بەينەكامەرالاردى ورناتۋداعى باستى سەبەپ – بۇزاقىلىقتىڭ الدىن الۋ. وسىلايشا جەرگە قوقىس تاستاعانداردى، ايالداما پاۆيلونىن سىندىرعانداردى انىقتايمىز. بەينەباقىلاۋ كامەرالارى IKOMEK-109 جەدەل ارەكەت ەتۋ ورتالىعىمەن بايلانىستىرىلعان»، دەيدى ءباسپاسوز حاتشىسى رۋفيا مۇستافينا.

وتكەن اپتادا وبلىس ورتالىعىنىڭ نوۆوپاۆلوۆكا كەنتىندە ءۇش جىگىت اينەكتەن جاسالعان ايالدامانى قيراتقان. بۇل ايالداما پاۆيلوندارىنىڭ ارقايسى 400 مىڭ تەڭگە شاماسىندا تۇرادى. بۇزاقىلار بەينەكامەرالاردىڭ كومەگىمەن انىقتالدى.

سوڭعى جاڭالىقتار

ۇقساس جاڭالىقتار