ايماقتار • 25 قاڭتار، 2021

جاڭا قۇرالدارعا قارسى جاڭا تاسىلدەر

11 رەت كورسەتىلدى

الماتى وبلىسىنا قاراستى «ىلە» پوليگونىندا دەسانتتىق شابۋىلداۋ­شى اسكەرلەردىڭ جاۋىنگەرلىك وقۋ-جاتتىعۋ جيىنى ءوتتى. جاتتىعۋ بارىسىندا تاجىريبە جۇزىندە ۇشقىشسىز ۇشۋ اپپاراتتارىمەن كۇرەسۋدىڭ جاڭا تاسىلدەرى قولدانىلدى. جيىنعا قورعانىس ءمينيسترى نۇرلان ەرمەكباەۆ قاتىسىپ، وقۋ-جاتتىعۋ بارىسىمەن تانىستى.

ۆەدومستۆو باسشىسىنا دە­سانت­تىق-شابۋىلداۋشى اسكەر­لەر قولباسشىسى گەنەرال-مايور قا­نىش ابۋباكىروۆ جاۋىن­گەر­لىك اتىس كەزىندە ءتۇتىن مەن بۇر­كەمە­لەۋدىڭ قولدانىلۋىنا جانە سوق­قى بەرەتىن دروندارعا باقىلاۋ جۇر­گىزىلىپ جاتقاندىعى جايىندا بايان­دادى. كەيىنگى جىلدارداعى قارۋ­­لى قاقتىعىستاردى مۇقيات زەر­دە­لەۋدىڭ ناتيجەسىندە دەسانتتىق-شا­بۋىل­داۋشى اسكەرلەردە جاسالعان بۇل ادىس­تەر جاۋىنگەرلىك دايىندىقتى ەداۋىر ارتتىرىپ قانا قويماي، جەكە قۇرام اراسىندا ۇلكەن شىعىنداردى بولدىرماۋعا دا مۇمكىندىك بەرەدى.

جۇمىس ساپارى بارىسىندا گەنەرال-لەيتەنانت نۇرلان ەرمەكباەۆ «ارىس­تان» مامانداندىرىلعان لي­­تسەيىندە ەرلىك جانە پاتريوتيزم ساباعىن وتكىزدى. قورعانىس ءمينيسترى ءاربىر ازامات ءوز ەلىنىڭ پاتريوتى بولۋى ءۇشىن اسكەري ماماندىقتى تاڭداۋدىڭ ماڭىزدىلىعى، قازاقستان قارۋلى كۇشتەرىن دامىتۋ­دىڭ ستراتەگيالىق باعىتتارى، زاماناۋي قارۋ-جاراق پەن اسكەري تەحنيكانىڭ تۇرلەرى جونىندە اڭگىمەلەدى. ارىستان­دىقتارعا ارنالعان ساباق جوسپارىندا ەل اسكەرى، ونىڭ مىن­دەتتەرى جانە مەم­لەكە­تىمىزدىڭ تاۋەل­سىزدىگى مەن اۋماقتىق تۇتاس­­تى­عىن قور­عاۋداعى ءرولى تۋرالى مۋل­تي­­مە­ديا­­لىق ادىستەمەلىك ماتەريالدار كور­سەتىل­دى.

– ەل قارۋلى كۇشتەرىنىڭ قازىرگى كەلبەتى XXI عاسىرداعى اسكەرگە قويى­لا­تىن تالاپتارعا ساي. اسكەري مامان­دىق اسكەري قىزمەتشىلەردەن ناقتى، گۋما­نيتارلىق، جاراتىلىستانۋ عىلىم­دارى بويىنشا تەرەڭ ءبىلىم الۋدى، سون­داي-اق مىقتى دەنە دايارلىعىن تالاپ ەتە­دى. مامانداندىرىلعان ليتسەيدى بىتىر­گەننەن كەيىن وسى سالاعا سايكەس قور­عانىس مينيسترلىگىنىڭ جوعارى وقۋ ورىندارىنا تۇسە الاسىزدار. ەستەرىڭىزدە بولسىن، وتاندى قورعاۋ ارقاشان جوعارى ازاماتتىق ەرلىك بولىپ سانالادى. سىزدەر ەلدىڭ تاعدىرى، ونىڭ بولاشاقتا دامۋى مەن وركەندەۋى جولىنداعى جا­ۋاپ­كەرشىلىكتى ءوز موينىنا الاتىن جاڭا بۋىنسىزدار، – دەدى نۇرلان ەرمەك­باەۆ.

راديوەلەكترونيكا جانە بايلانىس اسكەري-ينجەنەرلىك ينستيتۋتىنا جۇمىس ساپارى بارىسىندا قورعانىس مينيسترىنە ينستيتۋت باستىعى گەنەرال-مايور اسقار مۇستابەكوۆ وقۋ ۇدەرىسىنىڭ سانيتارلىق-ەپيدەميالىق شەكتەۋلەر جاعدايىندا ۇيىمداس­تى­رىلۋى، وقۋ-ماتەريالدىق بازانىڭ جاي-كۇيى، وقۋ باعدارلامالارىنىڭ ىسكە اسىرىلۋى جايىندا ايتتى. نۇرلان ەر­مەكباەۆ جاتتىعۋ كەشەندەرىنە، وقۋ قۇرالدارى مەن قارۋ-جاراق ۇلگىلەرىنە، وقۋ-ادىستەمەلىك كابينەتتەردىڭ، كا­فە­درالاردىڭ، زەرتحانالاردىڭ جاب­دىقتالۋىنا نازار اۋدارىپ، وقۋ پرو­تسەسىنىڭ مازمۇنىن ۇدايى جەتىلدىرىپ، اسكەري كادرلاردى دايارلاۋ ساپاسىن ارت­تىرۋ قاجەتتىگىن اتاپ ءوتتى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار