تەحنولوگيا • 25 قاڭتار، 2021

تسيفرلى وفيتسەر دە بولۋى مۇمكىن

9 رەت كورسەتىلدى

تەحنولوگيا قارقىندى دامىپ جاتقان عاسىر­­دا ارميانىڭ باسەكەگە قابىلەتتىلىگى كوبى­نەسە تسيفرلاندىرۋ دەڭگەيىنە بايلانىستى. قورعانىس ءمينيسترىنىڭ ورىنباسارى دارىن تۇياقوۆتىڭ ويىن­شا، بۇل قادام تسيفرلى ترانس­فورماتسيادان باستالۋى ءتيىس. سول سەبەپ­تى ەڭ الدىمەن قور­عانىس مينيسترلىگى مەن قارۋلى كۇشتەردە اق­پاراتتىق-تەحنو­لوگيا­­لىق ارحيتەكتۋرانى ازىرلەۋ قاجەت.

بۇل تۋرالى قورعانىس مينيسترلىگىندە دارىن تۇياقوۆتىڭ باسشىلىعىمەن وتكەن ۆەدومستۆونىڭ اقپا­راتتىق-تەحنولوگيالىق ارحيتەكتۋراسىن ازىر­­لەۋ ماسەلەسى جونىندەگى كەڭەستە ايتىلدى. ۆيتسە-ءمينيستردىڭ ايتۋىنشا، جاڭا قۇرىلىمدى ۇيىمداس­تىرۋ بەس كەزەڭنەن تۇرادى. ولار قىزمەتتى، مالى­مەتتەردى، اقپاراتتىق جۇيەلەردى، اقپاراتتىق-كوم­مۋنيكاتسيالىق ينفراقۇرىلىمدى جانە كيبەر­قاۋىپسىزدىكتى قامتيدى.

ءار بولىمشەدە تسيفرلى وفيتسەر لاۋازىمىن ەن­گىزۋدى ۇسىنۋ جوسپارلانۋدا. قۇرىلعان ماماندار كور­پۋسى مەملەكەتتىك ورگانداردىڭ تسيفرلى ترانسفور­ماتسياسى ماسەلەلەرىمەن اينالىساتىن بولادى. قا­زىرگى ۋاقىتتا قورعانىس مينيسترلىگى مەن قارۋلى كۇش­­تەردى اقپاراتتاندىرۋدىڭ ورتامەرزىمدى جوسپا­رىن جاساۋ جۇمىستارى جۇرگىزىلىپ، IT-ارحيتەك­تۋرانى دامىتۋدىڭ باسىم باعىتتارى ايقىندالۋدا. 

ءبىرىنشى كەزەڭدە تسيفرلاندىرۋدىڭ اعىمدىق احۋالى زەردەلەنەدى. جۇرگىزىلگەن مونيتورينگ مەملەكەتتىك ورگاننىڭ IT-ستراتەگياسىن انىقتاۋعا جانە كۇشتەر مەن قۇرالداردى از شىعىنداي وتىرىپ، قولدا بار­ رەسۋرس­تاردى ۇتىمدى پايدالانۋعا مۇمكىندىك بەرەدى. ۇدەرىستەر مەن مەملەكەتتىك قىزمەتتەردى اۆتو­ماتتاندىرۋدىڭ وڭتايلى دەڭگەيى مەن فورماتى تاڭ­دالاتىن بولادى.

قازاقستان اسكەرى مەملەكەتتىڭ قاۋىپسىزدىگى مەن تاۋەلسىزدىگىن قامتاماسىز ەتەتىندىكتەن، تسيفرلى ترانسفورماتسيا ۇدەرىسىنەن شەت قالا المايدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار