قوعام • 22 قاڭتار، 2021

اقتوبە وبلىسى اكىمىنىڭ ەكس-ورىنباسارى 12 جىلعا سوتتالدى

312 رەت كورسەتىلدى

2020 جىلى اسا ءىرى مولشەردە پارا بەرۋگە يتەرمەلەگەنى ءۇشىن اقتوبە وبلىسى اكىمىنىڭ بۇرىنعى ورىنباسارى مامۋنوۆ ەڭ ۇزاق مەرزىمگە – 12 جىلعا تەمىرتورعا جابىلدى، دەپ حابارلايدى Egemen.kz

بۇل تۋرالى AntikorNEWS الاڭىندا قر سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ مالىمدەدى.

2020 جىلى پارا بەرگەن جانە پارا بەرۋگە يتەرمەلەگەن 10 ادام 10 جىلدان استام ۋاقىتقا باس بوستاندىعىنان ايىرىلعان.

«وتكەن جىلى اسا ءىرى مولشەردە پارا بەرۋگە يتەرمەلەگەنى ءۇشىن اقتوبە وبلىسى اكىمىنىڭ بۇرىنعى ورىنباسارى مامۋنوۆ ەڭ ۇزاق مەرزىمگە – 12 جىلعا باس بوستاندىعىنان ايىرىلدى. پارا بەرگەنى ءۇشىن سوتتالعانداردىڭ 17%-دان استامى، ياعني 111 مەملەكەتتىك قىزمەتشى باس بوستاندىعىنان ايىرىلۋدان باسقا، مەملەكەتتىك قىزمەتتەن بوساتىلعان جانە ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلعان»، دەيدى قر سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ.

تالداۋ كورسەتكەندەي، كوپ جاعدايدا پارا بەرۋشىلەر جەكە كومپانيانىڭ وكىلى بولىپ شىققان.

«ولار لاۋازىمدى تۇلعالارعا پارا بەرۋ ارقىلى كاسىپكەرلىك قىزمەتىن قولايلى جۇزەگە اسىرۋعا تىرىسقان نەمەسە مەملەكەتتىك ساتىپ الۋ شارتتارى بويىنشا ورىندالعان جۇمىستاردىڭ اكتىلەرىنە كەدەرگىسىز قول قويۋ قويدىرىپ الماق بولعان. مىسالى، ەرمەگياەۆ («ەكسپو-2017» ۇك) ءىسى بويىنشا پارا بەرۋشى 7 جىلعا سوتتالسا، ال ولارعا كومەكتەسۋشىلەردىڭ 5 جانە 7 جىلعا باس بوستاندىعى شەكتەلگەن. سوت ايىپپۇل تولەۋ مەرزىمىن بەلگىلەيدى جانە ايىپپۇل تولەنبەگەن جاعدايدا باس بوستاندىعىنان شەكتەلۋ جازاسى باس بوستاندىعىنان ايىرۋ جازاسىنا اۋىستىرىلادى»، دەيدى ول.

 

سوڭعى جاڭالىقتار

دوللار قايتا قىمباتتادى

ەكونوميكا • بۇگىن، 11:55

ۇقساس جاڭالىقتار