ەنەرگەتيكا مينيسترلىگىندە جەمقورلىققا قارسى ءىس-قيمىلدىڭ جاڭا تاسىلدەرتالقىلاندى

قوعام • 22 قاڭتار، 2021

ەنەرگەتيكا مينيسترلىگىندە جەمقورلىققا قارسى ءىس-قيمىلدىڭ جاڭا تاسىلدەرى تالقىلاندى

40 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى باسشىلىعىنىڭ قاتىسۋىمەن ەنەرگەتيكا مينيسترلىگىندە كەڭەس ءوتتى، دەپ حابارلايدى Egemen.kz

ايىم ءداۋىت

كۇن تارتىبىندە – پرەۆەنتسيا، الدىن الۋ جانە قوعامدىق باقىلاۋدى كۇشەيتۋ ماسەلەلەرى.
ەنەرگەتيكا ءمينيسترى نۇرلان نوعاەۆ قىزمەتتىڭ جانە كورسەتىلەتىن مەملەكەتتىك قىزمەتتەردىڭ اشىقتىعى مەن ايقىندىعىن قامتاماسىز ەتۋ بويىنشا ۆەدومستۆونىڭ كۇش-جىگەرىن جانداندىرعانىن اتاپ ءوتتى.

"وتكەن جىلى بىرقاتار بيزنەس-ۇدەرىس وڭتايلاندىرىلدى. جەر قويناۋىن پايدالانۋ قۇقىعىن بەرۋ ماسەلەسى ونلاين-فورماتقا كوشىرىلدى، جەر قويناۋىن بارلاۋ جانە يگەرۋ جونىندەگى ورتالىق كوميسسيانىڭ قۇرامى كۇشەيتىلىپ، تاۋەلسىز ساراپشىلار قۇرامى كەڭەيتىلدى، قوعام بەلسەندىلەرى تارتىلدى. ەل باسشىلىعى مەن ۇكىمەتتىڭ تىكەلەي تاپسىرماسىنا سايكەس بۇل باعىت جالعاسادى"، دەپ اتاپ ءوتتى نۇرلان نوعاەۆ.

اگەنتتىك توراعاسى اليك شپەكباەۆ ەنەرگەتيكا سالاسىنىڭ قىزمەتكەرلەرىنە جۇكتەلگەن جوعارى جاۋاپكەرشىلىككە نازار اۋداردى: "وتىن-ەنەرگەتيكا كەشەنى الەمنىڭ كەز كەلگەن ەلىنىڭ الەۋمەتتىك-ەكونوميكالىق دامۋىنىڭ لوكوموتيۆى بولىپ تابىلادى. ءبىزدىڭ مەملەكەتىمىزدە ول باسقا سالالار مەن الەۋمەتتىك سالانىڭ دامۋى مەن ءساتتى جۇمىس ىستەۋىنە ىقپال ەتەتىن بيۋدجەت كىرىستەرىنىڭ نەگىزگى بولىگىن قامتاماسىز ەتەدى. بۇل سالاداعى سىبايلاس جەمقورلىقتىڭ مۋلتيپليكاتيۆتى اسەرى بار، سەبەبى بولماشى سىبايلاس جەمقورلىق تاۋەكەلدەرى تۇتاستاي العاندا ەل ءۇشىن ايتارلىقتاي سالدارعا اكەپ سوقتىرۋى مۇمكىن".

ول اتوم جانە ەنەرگەتيكالىق قاداعالاۋ مەن باقىلاۋ كوميتەتىنىڭ اۋماقتىق دەپارتامەنتتەرىندە قىزمەت الۋشىلار ءۇشىن قولايلى جاعداي جاساۋ جانە تۇتىنۋشىعا باعدارلانۋدى قامتاماسىز ەتۋ سياقتى ازاماتتارمەن ءوزارا ءىس-قيمىلدىڭ سەرۆيستىك ۇلگىسىنە كوشۋدىڭ ماڭىزدىلىعىن ەسكە سالدى.

2020 جىلى كەلۋشىلەردىڭ قولجەتىمدىلىگىن جەڭىلدەتۋ ءۇشىن مينيسترلىكتىڭ ورتالىق اپپاراتىندا عيماراتتىڭ ءبىرىنشى قاباتىندا ورنالاسقان "ادالدىق الاڭى" جوبالىق كەڭسەسى اشىلدى. ءار نيەت ءبىلدىرۋشى ازامات كەڭەس الاتىن نەمەسە شاعىممەن جۇگىنە الاتىن جەدەل جەلى ۇيىمداستىرىلدى (8-7172-786938).

قىزمەتكەرلەر ازاماتتىق قوعام وكىلدەرىمەن بىرلەسىپ جەر قويناۋىن پايدالانۋ، گاز جانە گازبەن جابدىقتاۋ سالاسىنداعى پروبلەمالىق ماسەلەلەردى، سونداي-اق ەلەكتر ەنەرگەتيكاسى سالاسىنداعى باقىلاۋ-قاداعالاۋ فۋنكتسيالارىن زەردەلەۋگە نازار اۋدارادى.

وسىعان وراي اگەنتتىك جانىنداعى ارنايى مونيتورينگتىك توبىنىڭ جەتەكشىسى ايگۇل سولوۆەۆا: "مينيسترلىك قىزمەتكەرلەرى جۇرتشىلىق ءۇشىن اشىلۋى ءتيىس. "ەنەرگەتيكا مينيسترلىگى – ادالدىق الاڭى" جوبالىق كەڭسەسى ءوز قۇرامىنا ازاماتتىق قوعام مەن باق وكىلدەرىن تارتۋ ارقىلى ءوزارا ءىس-قيمىلدىڭ ءتيىمدى الاڭىنا اينالۋى قاجەت"، دەپ تولىقتىردى.

كەڭەس بارىسىندا ينۆەستيتسيالىق تارتىمدىلىقتى نىعايتۋ تۇرعىسىنان مينيسترلىك قىزمەتىنىڭ اشىقتىعىن ارتتىرۋ ماسەلەلەرى دە تالقىلاندى. 2020 جىلدىڭ جەلتوقسانىندا العاش رەت جەر قويناۋىن پايدالانۋ قۇقىعىن الۋعا اۋكتسيوندىق ساۋدا-ساتتىق وتكىزىلگەنى اتاپ ءوتىلدى. 263 ملن تەڭگە دەڭگەيىندەگى جيىنتىق باستاپقى باعا 230 ەسەدەن استام ءوسىپ، 61 ملرد تەڭگەگە جەتتى.

ەلدىڭ ىشكى نارىعىنا سۇيىتىلعان مۇناي گازىن جەتكىزۋدى اۆتوماتتاندىرىلعان جوسپارلاۋدى ەنگىزۋ پىسىقتالۋدا. بۇل شارا سىبايلاس جەمقورلىق تاۋەكەلدەرىن جانە ادامي فاكتوردى بولدىرماۋعا مۇمكىندىك بەرەدى، بۇل ءوز كەزەگىندە پروتسەستىڭ اشىقتىعىن قامتاماسىز ەتەدى.

مينيسترلىك ەلەكتروندىق الاڭدار ارقىلى ساۋدا-ساتتىق كولەمىن كەزەڭ-كەزەڭمەن ۇلعايتۋدى دا كوزدەپ وتىر. تولىققاندى كوشۋ 2021 جىلدىڭ سوڭىنا دەيىن جۇرەدى. وسىلايشا، نەگىزدەلگەن باعا تاجىريبەسى قالىپتاسادى. بۇل مامىلەلەردىڭ ترانسپارەنتتىلىگىن، ەلدى گازبەن جابدىقتاۋ سەنىمدىلىگىن ارتتىرۋدى جانە كولەڭكەلى ەكسپورتتى جويۋدى بىلدىرەدى.

مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسىن قۇرۋ دا جوسپاردا بار. شىن مانىندە، بۇل مۇناي مەن گاز كوندەنساتىن دايىنداۋ، تاسىمالداۋ، ساقتاۋ، جونەلتۋ، ساتۋ، اۋماققا اكەلۋ جانە ەلدەن شىعارۋ مونيتورينگى، باقىلاۋ قۇرالى بولادى.

بۇل باعىت تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن ىنتىماقتاستىقتا ىسكە اسىرىلادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز