شىعىس قازاقستان وبلىسى تجد ءباسپاسوز قىزمەتىنىڭ مالىمەتىنە سۇيەنسەك, 21 قاڭتاردا تۇنگى ساعات 01.00-دە پاروۆوزنايا كوشەسىندەگى ءورت تۋرالى حابار تۇسكەن. بىردەن وقيعا ورنىنا ءورت سوندىرۋشىلەر اتتاندى.
«جەر ءۇيدىڭ ءدالىزى, اس بولمە, جيھازدار, تۇرمىستىق تەحنيكا مەن جەكە زاتتار ورتەنگەن. جالىن 20 شارشى مەتر اۋماقتى شارپىعان. قۇتقارۋشىلار ۇيدەن 1 گاز باللونىن سىرتقا شىعارىپ ۇلگەردى», دەپ حابارلادى ۆەدومستۆو وكىلدەرى.
انىقتالعانداي, ءورت سوندىرۋشىلەر كەلىپ جەتكەنشە 70 جاستاعى ءۇي يەسىن كورشىسىنە قوناققا كەلگەن ەكى جىگىت ستانيسلاۆ كورياكوۆسكي مەن سەرگەي ياتسۋك قۇتقارىپ قالعان.
ء«ورتتى كورگەن ولار ەش ويلانباستان كومەككە ۇمتىلدى. جاتىن بولمەنىڭ تەرەزەسىن بالعامەن سىندىرىپ, قارت كىسىنى سىرتقا الىپ شىققان. ءيىس تيگەن زەينەتكەرگە جەدەل جاردەم دارىگەرلەرى العاشقى كومەك كورسەتتى. قازىر ونىڭ ومىرىنە ەشقانداي قاۋىپ ءتونىپ تۇرعان جوق. بۇل بەيبىت كۇننىڭ باتىرلارى ستانيسلاۆ پەن سەرگەيدىڭ ارقاسى», دەلىنگەن تجد تاراتقان اقپاراتتا.
