قوعام • 22 قاڭتار، 2021

جۇرەگى جۇمساق جەتىسۋلىقتار

5 رەت كورسەتىلدى

جەتىسۋدا «جاقىنىڭا جاناشىر بول» باستاماسى اياسىندا بىرقاتار جاعىمدى ءىس اتقارىلدى. اسىرەسە، وتكەن جىل سوڭىندا مۇقتاجدارعا جاردەمدەسۋ ماقساتىندا ءار اۋدان مەن قالانىڭ ءوز مۇم­كىندىكتەرىنە قاراي كو­مىر مەن وتىن ساتىپ اپەرۋ، ازىق-ت ۇلىك جاعىنان كو­مەكتەسۋ، بالالارعا جاڭا جىلدىق سىيلىقتار، كوپ بالالى جانە از قامتىلعان وتباسى بالالارىنا قىستىق كيىمدەر، وقۋ قۇرالدارىن سىيلاۋ، ءبىر رەتتىك قار­جى­لاي قولداۋ سياقتى بىر­قاتار قولداۋ شارالارى جۇزەگە اسقان.

مىسالى، قاپشاعاي قالا­سىندا 1 600 وتباسىعا قاجەتتى جار­دەم بەرىلدى. مۇنداي كومەك­تى نەگىزىنەن مەتسەناتتار مەن كا­سىپكەرلەر بيزنەستىڭ الەۋ­مەت­تىك جاۋاپكەرشىلىگى اياسىندا كور­سەتكەن. ونىڭ ىشىندە دەمەۋ­شىلەردىڭ قارجىسىنا 700 كوپ بالالى جانە از قامتىلعان وتباسىنا جالپى سوماسى 5 ملن 325 مىڭ تەڭگەگە ازىق-ت ۇلىك بەرىلگەن. تاعى 55 وتباسىعا 1 ملن 540 مىڭ تەڭگەگە كومىر ءتۇسىرىپ بەرگەن. سول سياقتى كاسىپكەرلەر مۇمكىندىگى شەكتەۋلى 700 بالاعا قۇنى 2 ملن 100 مىڭ تەڭگە بولاتىن ارنايى سىيلىق ۇلەستىرىپتى. ال «مەيىرىمدى ادامدار» قايىرىمدىلىق شاراسى شەڭبەرىندە تاعى 200 وتباسىعا قۇنى 2 ملن تەڭگە بولاتىن ازىق-ت ۇلىك پاكەتتەرى تاراتىلعان. جال­پى قاپشاعاي قالاسى بويىنشا بىلتىر 11 ملن تەڭگەگە جۋىق قايىرىمدىلىق شاراسى جۇزەگە اسىپتى.

بۇل يگى ءداستۇر كوكسۋ اۋدا­نىن­دا دا جالعاسىپ، مۇقتاج ادام­دارعا 2 ملن تەڭگەدەن استام سوماعا قايىرىمدىلىق كومەگى كور­سەتىلدى. ءتيىستى جاردەمگە 72 وتباسى قول جەتكىزگەن. بۇل رەتتە ءوڭىر مەتسەناتتارىنىڭ كورسەتكەن قولداۋى زور. ونىڭ ىشىندە قالتالى ازاماتتار بىرىگىپ، مۇقانشى اۋىلىنداعى كوپ بالالى وتباسىنا 1 ملن تەڭگەگە ءۇي ساتىپ اپەر­گەن ەكەن. مۇنان بولەك، اۋداندا دەمەۋشىلەردىڭ قارجىسىنا 41 از قامتىلعان وتباسىعا جالپى سوماسى 500 مىڭ تەڭگەگە ازىق-ت ۇلىك بەرىلىپ، 40 وتباسىعا 550 مىڭ تەڭگەگە وتىن تۇسىرىلگەن.

ال ۇيعىر اۋدانىنداعى «س.ابىلاي» شارۋا قوجالىعىنىڭ جەتەكشىسى سىرىم جومارت ۇلى تاسقاراسۋ جانە شارىن ەلدى مەكەندەرىنىڭ ورتا مەكتەبى مەن اۋرۋحاناسىنا قاجەتتى قۇرال-جابدىقتار ساتىپ الىپ بەرگەن. بۇل تىزىمدە 3 مىڭ بەتپەردە، ديس­پەنسەرلىك جابدىق، تەر­­مومەتر، زالالسىزداندىرۋ سۇ­يىقتىعى مەن مەديتسينالىق قول­عاپ سياقتى قاجەتتى قۇرالدار بار. سونىمەن قاتار تۇرمىسى تومەن 25 وتباسىعا كومىر ءتۇسىرىپ بەرىپتى.

جالپى، وسى باستاماعا بويىن­شا وبلىستىڭ بارلىق ءوڭىرى بەل­سەنە اتسالىستى. ال قايى­رىم­دى­لىق شاراسىنا بيۋدجەتتەن 46 ملن تەڭگە، دەمەۋشىلەردىڭ قا­راجاتىنان 272،4 ملن تەڭگە قار­جى جۇمسالدى. ناتيجەسىندە، اي­ماقتا 18 مىڭنان استام ادامعا ناق­تى كومەك كورسەتىلدى.

 

الماتى وبلىسى

 

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار