بيىلعى جىلدىڭ 9 ايىندا شىعىس قازاقستان وبلىسىندا سىبايلاس جەمقورلىققا بايلانىستى 102 قىلمىس تىركەلدى. بۇل تۋرالى Altaynews.kz حابارلادى.
كوررۋپتسياعا قاتىستى قىلمىستاردىڭ بىرقاتارىن وبلىستىق ىشكى ىستەر دەپارتامەنتىنىڭ قىزمەتكەرلەرى جاسايتىنى ءمالىم بولدى.
وبلىستىق ءماسليحاتتىڭ كەزەكتى ءحVىى سەسسياسىندا سىبايلاس جەمقورلىققا بايلانىستى قىلمىستاردىڭ وتكەن جىلدىڭ وسى كەزەڭىمەن سالىستىرعاندا 66 پايىزعا ارتقانى ايتىلدى. دەرەككە جۇگىنسەك, 2013 جىلدىڭ العاشقى 9 ايىندا پوليتسەيلەر قولىمەن جاسالعان 17 قىلمىس اشكەرلەنگەن. سونداي-اق, سوت اكتىلەرىن ورىنداۋ دەپارتامەنتى (7 دەرەك) مەن قىلمىستىق اتقارۋ جۇيەسى دەپارتامەنتىنىڭ (3 دەرەك) قىزمەتكەرلەرىنىڭ دە بىلىعى اشكەرە بولدى.
وسى جىلدىڭ 9 ايىندا سىبايلاس جەمقورلىققا قاتىستى تارتىپتىك جاۋاپكەرشىلىككە 96 لاۋازىمدى تۇلعا تارتىلىپتى. ولاردىڭ ىشىندە كوممۋنالدىق شارۋاشىلىق جانە قۇرىلىس سالاسىنىڭ 16 مامانى, 15 اۋداندىق جانە اۋىلدىق اكىمدىكتەر قىزمەتكەرى, 14 مەكتەپ ديرەكتورى بار. – كوررۋپتسيامەن كۇرەس باعىتىنداعى اقپاراتتىق-ناسيحاتتىق جۇمىستاردى شيراتىپ, تۇسىندىرمە سەمينارلارىن ءجيى وتكىزۋ كەرەك. ونداي جيىندارعا قۇقىق قورعاۋ, پروكۋراتۋرا ورگاندارىنىڭ جانە بيزنەس قۇرىلىمدارىنىڭ وكىلدەرىن كوپتەپ تارتقان ءجون. كاسىپكەرلىكتى دامىتۋعا تۇساۋ بولىپ وتىرعان ءتۇرلى اكىمشىلىك كەدەرگىلەردى ازايتۋعا وسىنداي بىرلەسكەن ءىس-شارالاردىڭ دا تيگىزەر پايداسى مول, – دەدى جيىن بارىسىندا ايماق باسشىسى بەردىبەك ساپارباەۆ.
باقىتبەك كەنەش ۇلى.
دەرەككوز: Altaynews.kz
