ايماقتار • 21 قاڭتار، 2021

تۋعان كۇن اتاپ وتكەن ءۇش جىگىت ايالدامالارداعى اينەكتى سىندىرعان

20 رەت كورسەتىلدى

پەتروپاۆلدىقتار نوۆوپاۆلوۆكا اۋىلىنىڭ ماڭىندا بىردەن ءۇش ايالداما پاۆيلونىنىڭ اينەكتەرىنىڭ سىنعانىن بايقاپ، پوليتسياعا حابارلاعان. اينەكتەردى سىندىرعان بۇزاقىلار تۋرالى Polisia.kz باعدارلاماسىنىڭ كەزەكتى شىعارىلىمىندا ايتىلدى.

پوليتسەيلەر قاسكۇنەمدەردى انىقتاۋ ءۇشىن ءبىر اپتا بويى ىزدەستىرۋ شارالارىن جۇرگىزدى. ولار تاكسي جۇرگىزۋشىلەرى مەن ويىن-ساۋىق مەكەمەلەرىنىڭ قىزمەتكەرلەرىنەن جاۋاپ الدى. اتالمىش اۋداندا ورناتىلعان بارلىق كامەرالاردى قاراپ شىقتى.

ىزدەستىرۋ شارالارى بارىسىندا ءتارتىپ ساقشىلارىنىڭ نازارىنا دەمالىس ورىندارىنىڭ بىرىندە تۋعان كۇنىن اتاپ وتكەن جاس جىگىتتەر ىلىكتى. الايدا، ولاردىڭ ەشقايسىسى ىستەگەندەرىن مويىنداۋعا اسىقپادى.

جينالعان دالەلدەردىڭ ارقاسىندا جەدەل ۋاكىلدەر وزدەرىنىڭ بولجامدارىن راستادى. ماس جىگىتتەردىڭ اينەكتى قالاي سىندىرىپ جاتقانى تولىقتاي بەينەباقىلاۋ كامەراسىنا ءتۇسىپ قالعانى بەلگىلى بولدى.

«جەدەل-ىزدەستىرۋ شارالارى بارىسىندا پەتروپاۆل قالاسىنىڭ تۇرعىندارى ۇستالدى. ولاردىڭ ەكەۋى كوللەدج ستۋدەنتى جانە بىرەۋى كامەلەتكە تولماعان ءجاسوسپىرىم»، – دەدى پوليتسيا قىزمەتكەرلەرى.

پەتروپاۆل قالاسى اكىمدىگىنىڭ وكىلدەرى قيراعان ايالدامالاردىڭ قۇنىن تەرگەۋشىلەرگە ۇسىندى. ءبىر پاۆيلوننىڭ جالپى قۇنى 440 مىڭ تەڭگەدەن اسادى. بۇزاقىلىق فاكتىسى قازاقستان رەسپۋبليكاسى قىلمىستىق كودەكسىنىڭ 293-بابى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە ەنگىزىلدى. كوللەدجدىڭ ەكى ستۋدەنتى مەن ءبىر جاسوسپىرىمگە قاتىستى “كەلۋ تۋرالى مىندەتتەمە” قابىلداندى.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار