سيريانىڭ سولتۇستىگىندە «يراك پەن لەۆانت يسلام مەملەكەتى» توبىنىڭ ەكسترەميستەرى 120 كۇردتى تۇتقىنعا الىپ كەتتى. بۇل تۋرالى يتار-تاسس حابارلادى.
«ال-مانار» تەلەارناسىنىڭ اقپارى بويىنشا, تۇتقىندار اراسىندا ايەلدەر مەن بالالار دا بار.
وقيعا تۇركيامەن شەكتەسىپ جاتقان اازاز قالاسى ماڭىندا ورىن العان. سودىرلار كۇردتەردىڭ اۋلىنا باسىپ كىرىپ, جەرگىلىكتى تۇرعىنداردى تۇتقىنعا الىپ كەتكەن.
«ال-كايدامەن» بايلانىسى بار «يراك پەن لەۆانت يسلام مەملەكەتى» مەن «دجەبحات ان-نۋسرا» توپتارى سيريانىڭ سولتۇستىگىندەگى كۇرد اۋداندارىنا اپاراتىن بارلىق جولداردى بوگەپ تاستاپ, بۇل اۋداندارعا گۋمانيتارلىق كومەكتىڭ جەتكىزىلمەۋىن قاداعالاپ وتىر. بۇل ارەكەتتەر ارقىلى سودىرلار شىلدە مەن قازان ايلارىندا كۇردتەردىڭ باسىپ العان ەل-حاسيكا پروۆينتسياسىنداعى شەكارا وتكەلدەرىن قايتارىپ الۋدى كوزدەپ وتىرعان كورىنەدى.
ايدار ورىسباەۆ.
دەرەككوز: Itar-tass.com
