بەلگىلى جازۋشى, قازاقستان جازۋشىلار وداعىنىڭ مۇشەسى ءجادي شاكەن ۇلىنىڭ بالالارعا ارنالعان «اق بالاپان» كىتابى تۇركيادا جارىق كوردى. كىتاپتىڭ باسىلىپ شىعۋىنا مۇرىندىق بولعان كورنەكتى عالىم, تاريح عىلىمدارىنىڭ دوكتورى, مينار سينان كوركەمونەر ۋنيۆەرسيتەتىنىڭ پروفەسسورى ابدىۋاقاپ قارا ەڭبەكتىڭ لاتىن ارپىمەن جارىق كورگەنىن ايتادى.
بەلگىلى جازۋشى, قازاقستان جازۋشىلار وداعىنىڭ مۇشەسى ءجادي شاكەن ۇلىنىڭ بالالارعا ارنالعان «اق بالاپان» كىتابى تۇركيادا جارىق كوردى. كىتاپتىڭ باسىلىپ شىعۋىنا مۇرىندىق بولعان كورنەكتى عالىم, تاريح عىلىمدارىنىڭ دوكتورى, مينار سينان كوركەمونەر ۋنيۆەرسيتەتىنىڭ پروفەسسورى ابدىۋاقاپ قارا ەڭبەكتىڭ لاتىن ارپىمەن جارىق كورگەنىن ايتادى. عالىم: «تىلگە جەڭىل, ويعا ورامدى بۇل ەڭبەك تۇركيا مەن ەۋروپادا تۇراتىن, انا تىلىنەن, تۋعان جۇرتىنان جىراقتا جۇرگەن, ءارى ونى ۇمىتۋعا تاياۋ قازاق جاستارى ءۇشىن اسا پايدالى. قازىردىڭ ءوزىندە سۇرانىس وتە كوپ», دەيدى.
ال جازۋشىنىڭ ءوزى: «وزگە ءتىلدىڭ تەلەگەيىنە باتۋ قاۋپىندەگى بالالارىمىز ءۇشىن مەنىڭ كىتابىم قارلىعاشتىڭ قاناتىمەن سۋ سەپكەندەي كومەك كورسەتسە ول مەنىڭ عانا ەمەس, وتان توپىراعىندا وتىرعان بارشا قازاقتىڭ وتەلگەن ءبىر قارىزى بولار ەدى», دەيدى.
وسىدان بۇرىن ونىڭ «اقبوتا» اتتى بالالارعا ارنالعان تاعى ءبىر كىتابى قحر-دىڭ «جاستار-ورەندەر باسپاسىنان» شىعىپ, شىڭجاڭدا ءومىر ءسۇرىپ جاتقان قانداستارىمىزعا تەز تاراپ كەتىپتى. ىستامبۇلداعى «Sanat» باسپاسىنان باسىلىپ شىققان «اق بالاپان» كىتابى جازۋشىنىڭ بالالارعا ارنالعان ءۇشىنشى كىتابى.
«ەگەمەن-اقپارات».
