COVID-19 دەرتىنە قارسى 44 ءتۇرلى ءدارى-دارمەكتىڭ 8-ءى اقتوبە وبلىسىنا وسى كۇنگە دەيىن جەتكىزىلمەگەن.
«قازىرگى كەزدە فلۋكونازول, فونداپارينۋكس, ەپينەفرين, ەنوكساپارين, نەوستيگمين, حلوروپيرامين, دەكسامەتازون, مەتيلپرەدنيزولون ءدارىسى «سق-فارماتسيا« اق-نىڭ اقتوبەدەگى قويماسىندا جوق. «تاپسىرىس بەرىلگەن, جولدا» دەپ ايتادى. نەگىزى بارلىعى قويمادا ساقتالىپ تۇرۋى كەرەك. بىزگە 2020 جىلدىڭ سوڭىندا ءبارى تولىق جەتكىزىلەتىنىن ايتقان بولاتىن. بىراق ءىس جۇزىندە ورىندالمادى«, دەدى «اقتوبە-ادالدىق الاڭى« جوبالىق كەڭسەسىنىڭ جەتەكشىسى جانبولات تۇرتاەۆ.
«سق-فارماتسيا« اق-نىڭ اقتوبەدەگى قويماسىنا قاجەتتى ءدارى-دارمەك ءۇشىن 1 ميلليارد تەڭگەدەن استام قارجى بولىنگەن.
ء«بىر بولىگىنە تاپسىرىس بەرىلىپ, قاڭتار ايىنىڭ سوڭىنا دەيىن ەمدەۋ ورىندارىنا جەتكىزىلەدى. فونداپارينۋكس جانە ەنوكساپارين ءدارىسى وزگە پرەپاراتقا اۋىستىرىلدى. وتكەن جىلى تەك ەپينەفرين ساتىپ الىنبادى. وعان ەمدەۋ مەكەمەلەرىنىڭ وزدەرى تاپسىرىس بەرەدى. سونىمەن بىرگە سۇرانىس ارتقان جاعداي ءۇشىن دارىحانالارعا قاجەتتى 190 ميلليون تەڭگەنىڭ ءدارىسى قويمادا ساقتاۋلى تۇر«, دەدى «سق-فارماتسيا« اق-نىڭ اقتوبە وبلىستىق فيليال جەتەكشىسى نۇرلان جۇبانىشەۆ.
