اۋدان اكىمى شاكىر كەيكيننىڭ مالىمەتىنشە, وسى ماقساتقا 500 گەكتار جەر ۋچاسكەسى بولىنگەن. جوبانىڭ ينۆەستورى – «ديۆيتەل» جشس. ستانسا قۇرىلىسىن 2022 جىلى اياقتاۋ كوزدەلىپ وتىر. قازىر وعان 12 ادام جۇمىسقا تارتىلدى. جوبا ىسكە قوسىلعاننان كەيىن 50 ادام تۇراقتى جۇمىسقا الىنادى.
جەلدەن قۋات جينايتىن ستانساعا 24 قوندىرعى ورناتىلادى. ونىڭ ارقايسىسى قۋاتى 2 مۆت بولاتىن ەنەرگيا وندىرەدى. جەل تۋربينالارىنىڭ بيىكتىگى –106, ەبەلەگىنىڭ ۇزىندىعى – 43 مەتر.
– ەنەرگيا رەسۋرستارىن ۇنەمدەۋ جولىندا اۋداندا بىرقاتار جۇمىس جۇرگىزىلىپ جاتىر. ال بۇل جوبا بالامالى ەنەرگيا كوزدەرىن ءوندىرۋدىڭ ءتيىمدى ءتاسىلى. ماماندار اتالعان جوبانى باستاماس بۇرىن ارنايى تالداۋ جۇرگىزىپ, تاجىريبەدەن وتكىزدى. جەل ەلەكتر ستانساسى اۋداندى ەلەكتر قۋاتىمەن تولىق قامتۋعا مۇمكىندىك بەرەدى, – دەيدى اۋدان اكىمى.
اتىراۋ وبلىسى
