ايماقتار • 20 قاڭتار، 2021

4 080 پەداگوگ بىلىكتىلىك تەستىلەۋدەن وتەدى

949 رەت كورسەتىلدى

شىمكەنتتە ء«بىلىم بەرۋدى دامىتۋدىڭ وڭىرلىك باعدارلاماسى» اياسىندا 3 نىسانالى ينديكاتور، 22 كورسەتكىش، «شىمكەنت قالاسىن دامىتۋ» باعدارلاماسى بويىنشا 1 ينديكاتور بەلگىلەنىپ، جۇمىس جۇرگىزىلۋدە. وسىلاي دەگەن قالالىق ءبىلىم باسقارماسىنىڭ باسشىسى جانات تاجيەۆا الدا اتقاراتىن جوسپارلارىمەن ءبولىستى.

فوتو: بەرەكە سەيىتجاپپار

ءىىى توقسانداعى وقۋ پروتسەسى كەزەكشى سىنىپتار (52،3 %)، قاشىقتىقتان ءبىلىم بەرۋ (47،7 %) بويىنشا باستالدى. ءداستۇرلى فورماتتا 17 مەكتەپ (8 467 وقۋشى) ءبىلىم بەرۋدە. 7 242 (1-5، 9، 11 سىنىپتار) كەزەكشى سىنىپتارداعى وقۋشى سانى – 100 477. قاشىقتان – 104 393 (47،7%) وقۋشى وقىتىلۋدا.

بالاباقشالارداعى كەزەكشى توپتاردا 38 874 (65،4 %) بالا تاربيەلەنۋدە. كوللەدجدە شتاتتىق رەجيمدە – 12 425 ستۋدەنت ءبىلىم الۋدا. 1-كۋرس ستۋدەنتتەرى – 9 660، دۋالدى وقىتۋ بويىنشا – 2 765 (100%).

قالادا عىلىمي-جاراتىلىستانۋ باعىتىنداعى پاندەردىڭ وقۋ باعدارلاماسىنا وقۋشىلاردىڭ ەكولوگيالىق مادەنيەتى، ەكولوگيالىق ءبىلىمى مەن تاربيەسى دەڭگەيىن ارتتىراتىن ارالاس كۋرستار (دۇنيەتانۋ، بيولوگيا، گەوگرافيا) ەنگىزۋ قولعا الىندى.
قالا اكىمىنىڭ تاپسىرماسىنا سايكەس، بارلىق ءبىلىم ۇيىمدارىنا ينديكاتور ءتۇزىلىپ، مىندەتتەمە بەلگىلەندى. سونىمەن قاتار 2021 جىلى جاڭادان سالىناتىن ءبىلىم نىساندارىنا تولىق زەردەلەۋ جۇمىستارى جۇرگىزىلىپ، باقىلاۋعا الىندى.

سونداي-اق باسقارما باسشىسى كادرلىق الەۋەتتى دامىتۋ جوسپارلارىن باياندادى. قالادا مەكتەپكە دەيىنگى ۇيىمداعى پەداگوگ سانى - 4 225، ونىڭ ىشىندە ماماندىعىمەن جۇمىس ىستەپ جۇرگەندەرى - 2 869. الداعى ۋاقىتتا جوو-مەن مەموراندۋم ءتۇزىلىپ، ءوز وتىنىشتەرى نەگىزىندە 45 پەداگوگ 10 ايلىق قايتا دايارلاۋ كۋرسىنان وتكىزىلەدى.

ورتا مەكتەپتەردەگى پەداگوگتار سانى - 18 770 بولسا، 4 080-ءى ۇبت (ۇلتتىق بىلىكتىلىك تەستىلەۋ) تاپسىرادى.

«مەكتەپكە دەيىنگى تاربيە جانە وقىتۋ» ماماندىعى بويىنشا تەحنيكالىق جانە كاسىپتىك، جوعارى ءبىلىمى بار پەداگوگتاردىڭ ۇلەسىن 2021 جىلى 68،3 پايىزعا، اپاتتى مەكتەپتەر ۇلەسىن 0،7 پايىزعا، ءۇش اۋىسىمدا وقىتاتىن مەكتەپتەر ۇلەسىن 10،7 پايىزعا جەتكىزۋ جوسپاردا بار.

سوڭعى جاڭالىقتار

ۇقساس جاڭالىقتار