سىبايلاس جەمقورلىق جاساعان 15 باسشى جاۋاپقا تارتىلدى

قوعام • 20 قاڭتار، 2021

سىبايلاس جەمقورلىق جاساعان 15 باسشى جاۋاپقا تارتىلدى

572 رەت كورسەتىلدى

اقمولا وبلىسىندا 2020 جىلى سىبايلاس جەمقورلىق ءۇشىن 76 ادام قىلمىستىق جاۋاپكەرشىلىككە تارتىلدى، ونىڭ 15-ءى – رەسپۋبليكالىق جانە جەرگىلىكتى دەڭگەيدەگى ءبىرىنشى باسشىلار. بۇل تۋرالى سىبايلاس جەمقورلىققا قارسى ءىس-قيمىل اۋماقتىق دەپارتامەنتىنىڭ باسشىسى مۇرات تولەۋباەۆ «اntikor ortalyǵy» الاڭىندا وتكەن بريفينگتە ايتتى، دەپ حابارلايدى Egemen.kz

ايىم ءداۋىت

«وتكەن جىلى وبلىستىڭ سىبايلاس جەمقورلىققا قارسى قىزمەتىنىڭ وندىرىسىندە 100 – دەن استام قىلمىستىق ءىس بولدى، ونىڭ 78-ءى اۋىر قىلمىستار بويىنشا. نەگىزىنەن، بۇل ۇرلاۋ، پاراقورلىق، سونداي-اق الاياقتىق فاكتىلەرى. 51 ادامعا قاتىستى 136 ءىس سوتقا جىبەرىلدى»، دەدى مۇرات تولەۋباەۆ.

وتكەن جىلى سوتتالعاندار اراسىندا باسشىلىق قۇرامىنىڭ تۇلعالارى – اقمولا وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى ر.ت.بيكەنەۆ، زەرەندى اۋدانىنىڭ اكىمى ب.ن.ءابۋتالىپوۆ، يندۋستريالىق دامۋ جانە ونەركاسىپتىك قاۋىپسىزدىك كوميتەتى دەپارتامەنتىنىڭ باسشىسى س.ك.مولداعۇلوۆ جانە وبلىستىق، اۋداندىق دەڭگەيدەگى باسقا دا باسشىلار بار. سونىمەن قاتار، باراەۆ اتىنداعى استىق شارۋاشىلىعى عىلىمي-وندىرىستىك رەسپۋبليكالىق ورتالىعىنىڭ باس ديرەكتورى، ارشالى اۋدانى اكىمىنىڭ ورىنباسارى، سونداي-اق وبلىستىڭ بىرنەشە اۋدان اكىمدىكتەرىنىڭ ءبولىم باسشىلارى سوتقا جىبەرىلدى.

ودان باسقا، وبلىستىڭ سىبايلاس جەمقورلىققا قارسى ۆەدومستۆوسى جۇيەلى سىبايلاس جەمقورلىقتىڭ 7 فاكتىسىن انىقتادى، وندا 35 قىلمىس انىقتالدى جانە 21 ادام تارتىلدى. شاعىن جانە ورتا بيزنەستىڭ قىزمەتىنە ارالاسۋدىڭ بىرقاتار فاكتىلەرىنىڭ جولى كەسىلدى.

مەملەكەتتىك باعدارلامالاردى سۇيەمەلدەۋ اياسىندا ءوڭىردىڭ 26 قىلمىس تىركەلدى. 2020 جىلعى جۇمىس قورىتىندىسى بويىنشا مەملەكەتكە وتەلگەن زالال سوماسى 650 ميلليون تەڭگەدەن استى. قىلمىستىق ىستەردى تەرگەۋ ناتيجەلەرى بويىنشا دەپارتامەنت سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋ تۋرالى 88 ۇسىنۋ ەنگىزدى.

ۇسىنۋلاردى قاراۋ قورىتىندىسى بويىنشا 69 لاۋازىمدى تۇلعا تارتىپتىك جاۋاپكەرشىلىككە تارتىلدى، ولاردىڭ ىشىندە 21 باسشىلىق قۇرامىنىڭ تۇلعالارى. 13 لاۋازىمدى تۇلعا جۇمىستان بوساتىلدى، 10 ادامعا قىزمەتكە تولىق سايكەس ەمەستىگى تۋرالى ەسكەرتىلدى.

«2019 جىلمەن سالىستىرعاندا وڭىردە سىبايلاس جەمقورلىق قۇقىق بۇزۋشىلىقتار سانىنىڭ تومەندەۋ ديناميكاسى بايقالادى، بۇل سىبايلاس جەمقورلىققا قارسى جۇرگىزىلىپ جاتقان الدىن الۋ شارالارىنىڭ تيىمدىلىگىن كورسەتەدى. جالپى، ءبىز وڭىردە سىبايلاس جەمقورلىققا قارسى ءىس-قيمىلدى كۇشەيتۋ اياسىندا جۇيەلى جۇمىستى جالعاستىرامىز»، دەپ تۇيىندەدى مۇرات تولەۋباەۆ.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز