التىن قۇيمالاردىڭ بەس ءتۇرى بار: 5, 10, 20, 50 جانە 100 گرامم. 2020 جىلى ساتىپ الۋشىلار اراسىندا سۇرانىسقا يە بولعانى – 100 گ قۇيما بولدى. ساتىلعان بارلىق قۇيمانىڭ ىشىندەگى ونىڭ 2020 جىلداعى ۇلەسى 28% – 5 859 دانا. ودان كەيىن 20 گرامدىق – 5 634 دانا (27%) جانە 10 گرامدىق قۇيما – 4 994 دانا (24%), 50 گرامدىق قۇيما – 2 622 دانا (12%), 5 گرامدىق قۇيما – 1 990 دانا (9%).
قۇيمالاردى ساتىپ الۋ جاعىنان الماتى, نۇر-سۇلتان جانە اتىراۋ قالالارى كوش باستاپ تۇر. باعدارلاما ىسكە قوسىلعان ساتتەن باستاپ كەرى ساتىپ الۋعا جالپى سالماعى 3,4 كگ 131 قۇيما قابىلداندى. ونىڭ باستى سەبەبى – التىن قۇيمالار ۇزاق مەرزىمدى ينۆەستيتسيالاۋ مەن جيناقتاۋ قۇرالى بولىپ تابىلاتىندىعىندا. التىن قۇيمالار سەنىمدى ينۆەستيتسيالىق قۇرال بولا الادى. التىن قۇيمالار نارىعىنىڭ وتىمدىلىگىن قامتاماسىز ەتۋدىڭ نەگىزگى فاكتورى بانكتەر مەن بانكتىك ەمەس ايىرباستاۋ پۋنكتتەرىنىڭ قۇيما ساتىپ الۋشىعا سول كۇنى اقشا تولەي وتىرىپ, كەرى ساتىپ الۋ مۇمكىندىگىن بەرە العانىندا بولىپ وتىر.
ءار قۇيما قورعانىس ەلەمەنتتەرىمەن (قۇيمالاردىڭ اينا بەتىمەن, ميكروتەكستپەن جانە رەلەفتى جيەكپەن) جانە قۇيمالاردى مەحانيكالىق زاقىمدانۋدان قورعايتىن جانە پاكەتتىڭ اشىلعان-اشىلماعانىن تەكسەرۋگە مۇمكىندىك بەرەتىن ارنايى قاپتامادا شىعارىلاتىنىن ەسكە سالامىز. سونىمەن قاتار قورعانىس قاپتاماسى قۇيمانىڭ ساپا سەرتيفيكاتى بولىپ تابىلادى. سوندىقتان قۇيمانى ۇقىپپەن ساقتاپ, ورامانى اشپاعان ءجون.
