ايماقتار • 20 قاڭتار، 2021

جامبىل وبلىسىندا العاش رەت اۋىلدا مۇز ايدىنى اشىلدى

23 رەت كورسەتىلدى

مەركى اۋدانى جامبىل اۋىلدىق وكرۋگىنە قاراستى جەمىس-جيدەك اۋىلىندا مۇز ايدىنى اشىلدى. مۇنداي جابىق مۇز ايدىنى وبلىس بويىنشا اۋىلدا العاش رەت سالىنىپ وتىر، دەپ حابارلايدى Egemen.kz قازاقپاراتقا سىلتەمە جاساپ.

ۇزىندىعى – 30، ەنى – 15 مەتردى قۇرايتىن نىسان بالالاردىڭ سىرعاناق تەۋىپ، ءبىر مەزگىل دەنە شىنىقتىرۋمەن اينالىسۋىنا تاماشا مۇمكىندىك بەرىپ وتىر. جوبانى جاس كاسىپكەر ەرجان قىرعاباقوۆ جۇزەگە اسىرعان. كاسىپكەر «اتامەكەن» ۇلتتىق كاسىپكەرلەر پالاتاسىنا جوباسىن ۇسىنىپ، ولاردىڭ قارجىلاندىرۋىنىڭ ارقاسىندا كوپتەن بەرى ويىندا جۇرگەن جوسپارىن ىسكە اسىرعان.

نىساننىڭ قۇرىلىسىن جۇرگىزىپ، قۇرال-جابدىعىن ساتىپ الۋعا ول 10،5 ميلليون تەڭگە جۇمساپتى. ەڭ الدىمەن جاڭا نىسان اۋدانداعى بۇقارالىق سپورتتى دامىتۋعا ءوز سەپتىگىن تيگىزەرى انىق. جاڭا سپورت نىسانىنىڭ اشىلۋىنا اۋدان اكىمى مەيىرحان ومىربەك قاتىسىپ، جاس كاسىپكەرگە اۋدان تۇرعىندارى اتىنان العىسىن جەتكىزدى.

«نەگە اۋىلدا مۇز ايدىنىن سالماسقا دەگەن وي كەلدى. جوبامدى «اتامەكەن» ۇلتتىق كاسىپكەرلەر پالاتاسىنا ۇسىندىم. ولار جوبامدى قارجىلاندىرعان سوڭ وسى مۇز ايدىنى كەشەنىن تۇرعىزدىم. قاجەتتى قۇرال-جابدىقتى الماتى قالاسىنان تاپسىرىسپەن الدىردىم»، دەيدى جاس كاسىپكەر.

ەرجان مۇز ايدىنىن جىل ون ەكى اي جۇمىس ىستەتپەك. الداعى ۋاقىتتا نىسان عيماراتىن زاماناۋي تۇرعىدا جەتىلدىرۋگە نيەتتەنىپ وتىر. بۇگىنگى تاڭدا كاسىپكەر مۇز ايدىنى ارقىلى ءتورت ادامدى تۇراقتى جۇمىسپەن قامتىعان.

سىرعاناق تەبۋگە ارنالعان كونكيدىڭ 35 جۇبىن اكەلىپ قويعان. بالالار مەن ۇلكەندەرگە ارنالعان كونكيدىڭ بارلىق ولشەمى بار. مۇز ايدىنىنا كەلۋشىلەر 500 تەڭگە تولەپ، ءبىر ساعات الاڭسىز سىرعاناق تەبە الادى. بۇدان بولەك، كاسىپكەر جابىق مۇز ايدىنىنىڭ قاسىنداعى 50 سوتتىق جەرگە اشىق اسپان استىنداعى مۇز ايدىنىن جانە جابىق باسسەين سالۋدى جوسپارلاپ وتىر.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار