تاياۋدا Central Asia Renewable Energy Fund LP قۇرامىنا كىرۋ تۋرالى ءتيىستى ۇشجاقتى كەلىسىم جاسالدى. جەكە سەكتوردى دامىتۋ جونىندەگى يسلام كورپوراتسياسى ەلىمىزدىڭ «تەحنولوگيالىق دامۋ جونىندەگى ۇلتتىق اگەنتتىك» اق-پەن جاسالعان كەلىسىمگە قول قويدى. كەلىسىمشارتتىڭ جاسالۋىنا «بايتەرەك» ۇلتتىق باسقارۋشى حولدينگى ۇيىتقى بولدى.
تاياۋدا Central Asia Renewable Energy Fund LP قۇرامىنا كىرۋ تۋرالى ءتيىستى ۇشجاقتى كەلىسىم جاسالدى. جەكە سەكتوردى دامىتۋ جونىندەگى يسلام كورپوراتسياسى ەلىمىزدىڭ «تەحنولوگيالىق دامۋ جونىندەگى ۇلتتىق اگەنتتىك» اق-پەن جاسالعان كەلىسىمگە قول قويدى. كەلىسىمشارتتىڭ جاسالۋىنا «بايتەرەك» ۇلتتىق باسقارۋشى حولدينگى ۇيىتقى بولدى.
قوردىڭ ماقساتى بالامالى جانە جاڭارتىلاتىن قۋات كوزدەرىنە قاتىستى جوبالاردىڭ پورتفەلىنە 8-10 جىلدىق مەرزىمگە ينۆەستيتسيا سالۋ ەكەنى ءمالىم. باستاپقى كەزەڭدە 50 ملن. اقش دوللارىنا جەتكىزىپ, كەيىننەن ونى 100 ملن. دوللارعا دەيىن ۇلعايتۋدى كوزدەپ وتىر. نەگىزى, قۇرىلعان قوردىڭ بىرنەشە ەرەكشەلىكتەرى بار. بىرىنشىدەن, ول تەك قازاقستان اۋماعىنداعى جوبالاردى عانا قارجىلاندىرادى. ەكىنشىدەن, جارعىلىق كاپيتالىنىڭ ۇشتەن ەكى بولىگى جەكە جانە شەتەلدىك ينۆەستيتسيالار ەسەبىنەن جاساقتالادى. مەملەكەت تەحنولوگيالىق دامۋ جونىندەگى ۇلتتىق اگەنتتىك ارقىلى جارعىلىق كاپيتالدىڭ ۇشتەن ءبىر بولىگىنەن دە از كولەمىن قارجىلاندىرادى. ۇشىنشىدەن, قور يسلامدىق قارجىلاندىرۋ قاعيداتتارى بويىنشا جۇمىس ىستەيتىن بولادى. سونىمەن قاتار, جەكە سەكتوردى دامىتۋ ءجونىندەگى يسلام كورپوراتسياسى قورعا كونسۋلتاتسيالىق كەڭەستەر بەرىپ, جوبالاردى قۇرىلىمداۋ ءجونىندەگى تاجىريبەسىمەن ءبولىسىپ وتىرادى. تورتىنشىدەن, قور قارجىلاندىرۋى مۇمكىن جوبالار ءتىزىمى جاسالدى.
«بايتەرەك» حولدينگى بۇل جوباعا قاتىسۋ ارقىلى, ەلىمىزدە «جاسىل» ەنەرگەتيكانى دامىتۋعا جانە استانادا وتەتىن ەكسپو-2017 حالىقارالىق كورمەسىنىڭ دايىندىق جۇمىستارىنا ءوز ۇلەسىن قوسىپ وتىر دەپ بىلەمىز.
نۇرباي ەلمۇراتوۆ,
«ەگەمەن قازاقستان».
