ايماقتار • 20 قاڭتار، 2021

الماتىدا تۇتىنۋشىلار مۇددەسىن قورعاۋ ءۇشىن 5 مىڭداي سەرتيفيكات قايتىپ الىندى

34 رەت كورسەتىلدى

الماتىنىڭ ىشكى نارىعىنداعى قاۋىپسىزدىكتى قامتاماسىز ەتۋدە جۇرگىزىلىپ جاتقان جۇمىستار قانشالىقتى جۇيەلى؟ بۇگىن وكق بريفينگىندە الماتى قالاسى تەحنيكالىق رەتتەۋ جانە مەترولوگيا كوميتەتىنىڭ دەپارتامەنت باسشىسى ساۋىقبەك قاپاەۆ وسى تۋرالى، ياعني مەملەكەتتىك باقىلاۋ ناتيجەلەرى مەن 2020 جىلعى جۇمىس قورىتىندىلارى تۋرالى باياندادى.

ءبىرىنشى كەزەكتە قاجەتتى ۇلتتىق ستاندارتتاردى، تەحنيكالىق رەگلامەنتتەردى ازىرلەۋ، مەملەكەتتىك باقىلاۋ، ءونىم قاۋىپسىزدىگى، ىشكى نارىقتى ناشار جانە ساپاسىز ونىمدەردەن قورعاۋ ماسەلەلەرىنە، سونداي-اق سىنامالاردىڭ سايكەستىگىن باعالاۋ​ مەن ونىمدەر مەن كورسەتىلەتىن قىزمەتتەردىڭ سايكەستىگىن راستاۋ سالاسىنا كوپ كوڭىل بولىنەدى.

«نەگىزگى ماقسات ءونىمنىڭ قاۋىپسىزدىگى، ونىڭ ساپاسىنىڭ سايكەستىگى، نورماتيۆتىك قۇجاتتاردىڭ تالاپتارى تۇرعىسىنان قالا حالقىنىڭ تۇتىنۋشىلارىنىڭ مۇددەلەرىن قورعاۋ جانە سىناق زەرتحانالارىنىڭ جانە باسقا دا سۋبەكتىلەردىڭ سايكەستىگىن راستاۋشى ورگانداردىڭ قىزمەتىن باقىلاۋ. باستى مىندەت-وندىرىلەتىن جانە اينالىمداعى تۇتىنىلاتىن ءونىمنىڭ قاۋىپسىزدىك ساپاسىن انىقتاۋ»، دەپ ءتۇسىندىردى ساۋىقبەك قاپاەۆ.

2020 جىلدىڭ قورىتىندىسى بويىنشا بارلىعى 83 تەكسەرۋ جۇرگىزىلگەن، وتىنىشتەر مەن شاعىمدار بويىنشا جوسپاردان تىس – 37 تەكسەرىس، نىساندى بارىپ قاداعالاۋ جانە پروفيلاكتيكالىق باقىلاۋ قورىتىندىلارى بويىنشا​ بەرىلگەن نۇسقامالاردى ورىنداۋ ارقىلى 18 تەكسەرىس​ جۇرگىزىلگەن. 50 جاعدايدا قازاقستان رەسپۋبليكاسىنىڭ تەحنيكالىق رەتتەۋ، اككرەديتتەۋ جانە ولشەم بىرلىگىن قامتاماسىز ەتۋ سالاسىنداعى زاڭناماسىن بۇزۋ فاكتىلەرى انىقتالدى، بۇل تەكسەرۋلەردىڭ جالپى سانىنىڭ 60%-ىن قۇرادى.

مەملەكەتتىك باقىلاۋ قورىتىندىسى بويىنشا ءتارتىپ بۇزۋشىلارعا جالپى سوماسى 18 567 642 تەڭگەگە اكىمشىلىك ايىپپۇل سالىندى.

ءونىمنىڭ سايكەستىگىن راستاۋ ءراسىمى ساقتالماعان، اتاپ ايتقاندا ءونىمدى سايكەستەندىرۋ، ءونىم ۇلگىلەرىن ىرىكتەۋ جانە ولاردى سىناۋ، ءونىمدى تاڭبالاۋعا قويىلاتىن تالاپتار جانە سايكەستىك سەرتيفيكاتتارىن راسىمدەۋ كەزىندەگى ءتارتىپ بۇزۋشىلىقتار انىقتالدى.

تەكسەرۋ ناتيجەلەرى بويىنشا 5087 سايكەستىك سەرتيفيكاتى، 4231 سايكەستىك تۋرالى دەكلاراتسيا، 1562 تەكسەرۋ تۋرالى سەرتيفيكات قايتارىلىپ الىندى جانە قولدانىسى توقتاتىلدى، بارلىعى – 21254 ولشەم قۇرالى، ونىڭ ىشىندە قولدانۋعا جارامسىز – 589 بىرلىك، سونداي-اق ولشەم قۇرالدارىن 1سالىستىرىپ تەكسەرۋشىنىڭ سەرتيفيكاتى، 5 927 850 تەڭگە سوماسىنا اكىمشىلىك ايىپپۇل سالا وتىرىپ، 6 اي مەرزىمگە ساراپشى-اۋديتورلاردىڭ 23 اتتەستاتى توقتاتىلدى. قورىتىندىسى بويىنشا جالپى سوماسى 17 690 494 (ورىندالعانى -15 081 952) تەڭگەگە اكىمشىلىك ايىپپۇل سالۋ تۋرالى 45 قاۋلى شىعارىلدى.

سونداي-اق، الماتى قالاسىنىڭ اكىمشىلىك سوتى دەپارتامەنت قوزعاعان 9 ماتەريال نەگىزىندە 877 148 تەڭگە سوماسىنا اكىمشىلىك ايىپپۇل سالدى.

تەكسەرۋ ناتيجەلەرى بويىنشا انىقتالعان ءتارتىپ بۇزۋشىلىقتاردى جويۋ تۋرالى نۇسقامالار بەرىلدى.

2020 جىلعى 30 جەلتوقساندا «تەحنيكالىق رەتتەۋ تۋرالى» جاڭا رەداكتسياداعى ءتيىستى زاڭ جوبالارىنا جانە ولارعا ىلەسپە زاڭ رەتىندە «ولشەم بىرلىگىن قامتاماسىز ەتۋ تۋرالى»، «اككرەديتتەۋ تۋرالى» ىلەسپە زاڭدارعا قول قويىلعانىن اتاپ وتكەن ءجون.

قورىتا كەلگەندە توق ەتەرىن ايتقاندا، «تەحنيكالىق رەتتەۋ تۋرالى» قر جاڭا زاڭىن قابىلداۋدان كۇتىلەتىن ناتيجەلەر لەگى تومەندەگىدەي بولىپ وتىر. بۇلار – ىشكى نارىقتاعى ءونىمنىڭ قاۋىپسىزدىگىن ارتتىرۋ; باسەكەگە قابىلەتتى جانە ساپالى وتاندىق ءونىم ءۇشىن جاعداي جاساۋ; مەملەكەتتىك باقىلاۋدىڭ تيىمدىلىگىن ارتتىرۋ; سايكەستىكتى باعالاۋ راسىمدەرىنىڭ دۇرىستىعىن قامتاماسىز ەتۋ;تەحنيكالىق رەتتەۋ سالاسىنداعى ۇلتتىق زاڭنامانى ەاەو شەڭبەرىندەگى ۇلتتىقتان جوعارى زاڭناماعا سايكەس كەلتىرۋ.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار