بۇعان دەيىن قالا مەرى سەباستيانو فابيو ۆەنەتسيا قاراۋسىز قالىپ, قيراۋدىڭ الدىندا تۇرعان ۇيلەردى ساتۋ ءۇشىن ونلاين اگەنتتىكتەردەن كومەك سۇراعان ەدى.
ناتيجەسىندە, قاڭتار ايىنىڭ سوڭىنا دەيىن جەرگىلىكتى بيلىك 30 ءۇيدى 1 ەۋرودان ساتادى. الداعى ۋاقىتتا ولاردىڭ قاتارى تاعى 100 ۇيمەن تولىسادى. ول ءۇشىن بۇرىنعى قوجايىندارى ءۇيدى ۇكىمەتتىڭ قاراماعىنا تاپسىرۋلارى ءتيىس.
دەگەنمەن, بۇل باعدارلامانىڭ ءوز شارتى بار. ساتىپ الۋشىلار 1 ەۋرودان بولەك 5 مىڭ ەۋرو كولەمىندە كەپىلدىك بەرىپ, ۇيگە جوندەۋ جۇمىسىن جۇرگىزەدى. ول ءۇشىن ساتىپ الۋشىعا ءۇش جىل ۋاقىت بەرەدى. ۇيگە جوندەۋ جۇمىسى جاسالىپ بىتكەن سوڭ عانا كەپىلدەمە قايتارىلادى. وعان قوسا بيلىك جوندەۋ جۇمىسىنىڭ جارتى شىعىنىن ءوز مويىندارىنا الۋعا ءازىر.
