كەڭەس جۇمىسىنا ۆيتسە-مينيسترلەر جانە جوبانى ىسكە اسىرۋعا جاۋاپتى اكىمدەردىڭ ورىنباسارلارى, ورتالىق مەملەكەتتىك ورگانداردىڭ اۋماقتىق بولىمشەلەرىنىڭ باسشىلارى, ادەپ جونىندەگى ۋاكىلدەر جانە قوعام وكىلدەرى قاتىستى.
كەڭەس بارىسىندا رەسپۋبليكالىق جوبالىق كەڭسەنىڭ باسشىسى تولەگەن بايعۇلوۆ جوبانى ىسكە اسىرۋدىڭ وڭ ناتيجەلەرىن اتاپ ءوتتى.
«تۇرمىستىق سىبايلاس جەمقورلىقتى جويۋدىڭ پارمەندى قۇرالى اشىقتىق پەن ايقىندىق بولىپ تابىلاتىنىن ەسكەرە وتىرىپ, «Adaldyq alany» رەسپۋبليكالىق جوباسى اياسىندا مەملەكەتتىك اپپاراتتىڭ كليەنتكە باعدارلانۋىن قامتاماسىز ەتۋگە ەرەكشە نازار اۋدارىلدى. وسىلايشا 317 اكىمدىكتىڭ سەرۆيستىك جۇمىس مودەلىنە كوشكەنىن اتاپ وتكەن ءجون. وبلىستىق ماڭىزى بار قالالار مەن اۋدانداردى ءجۇز پايىز قامتاماسىز ەتىلدى», دەپ ول اتاپ ءوتتى.
جوبا ۇيلەستىرۋشىلەرىنىڭ ايتۋىنشا, اتقارىلعان جۇمىس مەملەكەتتىك قىزمەتشىلەردىڭ قولجەتىمدىلىگىن قامتاماسىز ەتە وتىرىپ, شەنەۋنىكتەردىڭ ۇيىمداستىرۋشىلىق مادەنيەتىن ترانسفورماتسيالاۋدى باستاۋعا مۇمكىندىك بەردى.
سىبايلاس جەمقورلىقتى جالپىعا بىردەي قابىلداماۋ جاعدايلارىن جاساي وتىرىپ, جوبالىق كەڭەستەرىنىڭ مەنەدجەرلەرى مەملەكەتتىك كورسەتىلەتىن قىزمەتتەردى ۇدەمەلى تسيفرلاندىرۋدى جالعاستىردى, ونىڭ دەڭگەيى 2020 جىلدىڭ قورىتىندىسى بويىنشا
93%- دى قۇرادى.
جوبانىڭ مىزعىماس بولىگى قوعام وكىلدەرىنىڭ جەكە قاتىسۋى بولدى. ول 80 مىڭعا جۋىق ەرىكتىلەردى بىرىكتىردى, ولاردىڭ قولداۋىمەن سىبايلاس جەمقورلىق مىنەز-ق ۇلىقتى بولدىرمايتىن جاعدايلار جاسالۋدا.
بارلىق قوعام وكىلدەرى – «Adaldyq alany» وڭىرلىك جوبالىق كەڭەستەرىنىڭ باسشىلارى وڭىرلىك اكىمدەرىنىڭ شتاتتان تىس كەڭەسشىلەرى بولىپ تاعايىندالدى.
ازاماتتاردا الەۋمەتتىك ماڭىزدى ماسەلەلەر بويىنشا قوعامدىق مونيتورينگتەرگە باستاماشىلىق جاساۋعا جانە وعان قاتىسۋعا مۇمكىندىك پايدا بولدى.
وتكەن جىلى 10-نان استام سالا قامتىلدى, ونىڭ ىشىندە ءدارى-دارمەكپەن قامتاماسىز ەتۋ, قاشىقتىقتان وقىتۋدى ۇيىمداستىرۋ, جول قۇرىلىسى جانە ت. ب.
ازاماتتاردىڭ سۇرانىستارىنا سەزىمتالدىقتى ارتتىرۋ ءۇشىن جوبالىق كەڭسەلەر پروبلەمالىق ماسەلەلەردى شەشۋ ءۇشىن كەز-كەلگەن ادام جۇگىنە الاتىن فەيسبۋكتەگى رەسمي پاراقشالاردى بەلسەندى تۇردە جۇرگىزەدى. وتكەن جىلدىڭ وزىندە جۇگىنگەن 11 500 ازاماتتىڭ 80% - ى سىبايلاس جەمقورلىق تاۋەكەلدەرىمەن بايلانىستى پروبلەمالىق ماسەلەلەردى وڭ شەشە الدى.
وڭىرلەردە جوبانى ىسكە اسىرۋدىڭ وڭ ناتيجەلەرىن ەسكەرە وتىرىپ, سىبايلاس جەمقورلىققا قارسى ۆەدومستۆو باسشىسى اليك شپەكباەۆ ۆيتسە-مينيسترلەردى مينيسترلىكتەر دەڭگەيىندە وسىنداي جۇمىستى ۇيىمداستىرۋعا شاقىردى.
ونىڭ ايتۋىنشا, جوبالىق كەڭسەلەر بيۋدجەت قاراجاتىنىڭ جۇمسالۋىن باقىلاۋدا, سىبايلاس جەمقورلىق تاۋەكەلدەرىن بولدىرماۋدا جانە مەملەكەتتىك قىزمەتتەردى تسيفرلاندىرۋدى جەدەلدەتۋدە, كەدەرگىسىز فرونت-وفيستەردى ەنگىزۋ ارقىلى حالىققا قىزمەت كورسەتۋدىڭ سەرۆيستىك مودەلىنە كوشۋدە ازاماتتىق قوعامنىڭ كەڭىنەن قاتىسۋىمەن سىبايلاس جەمقورلىققا قارسى باستامالاردىڭ گەنەراتورى بولۋى ءتيىس.
بۇل ءوز كەزەگىندە مينيسترلىكتەردىڭ جۇمىسىن اشىقتىق جانە حالىققا ەسەپ بەرۋ جاعىنا تۇبەگەيلى وزگەرتەدى.
سونداي-اق, ا.شپەكباەۆ ەل باسشىلىعىنا سىبايلاس جەمقورلىقتى ازايتۋ بويىنشا لايىقتى باستامالارى جوق باسشىلار تۋرالى اقپارات دايىنداۋ تۋرالى تاپسىرما بەردى.
قورىتىندىلاي كەلە, سىبايلاس جەمقورلىققا قارسى ساياساتتى ساپالى ىسكە اسىرۋ ءۇشىن مەملەكەتتىك ورگاندار قوعاممەن ءتيىستى باعالاۋ ادىستەمەسىن قۇرۋدى ۇسىندى.
