ءبىلىم • 19 قاڭتار، 2021

بيىل وقۋشىلار ۇبت-نى قالاي تاپسىرادى؟

327 رەت كورسەتىلدى

نۇر-سۇلتاندا مەكتەپتەردىڭ جوعارى سىنىپ وقۋشىلارى تاپسىراتىن سىناقتىق ۇلتتىق بىرىڭعاي تەستىلەۋگە وراي كوروناۆيرۋستىڭ الدىن الۋ الگوريتمى بەكىتىلدى، دەپ حابارلايدى Egemen.kz

ناقتى ايتقاندا، نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆانىڭ جاڭا قاۋلىسىنا سايكەس بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتى 2021 جىلعى 20 قاڭتار مەن 5 اقپان ارالىعىندا «ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى» كەاق، «س.سەيفۋللين اتىنداعى قازاق اگروتەحنيكالىق ۋنيۆەرسيتەتى» كەاق، «قازاق ەكونوميكا، قارجى جانە حالىقارالىق ساۋدا ۋنيۆەرسيتەتى» مەكەمەسى نەگىزىندە كۇشەيتىلگەن سانيتارلىق-ەپيدەمياعا قارسى، سانيتاريا-پروفيلاكتيكا ءىس-شارالارىن ساقتاي وتىرىپ، سىناقتىق ۇلتتىق بىرىڭعاي تەستىلەۋدى وتكىزۋدى قامتاماسىز ەتەدى.

ال نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى سىناقتىق تەستىلەۋ وتكىزۋ كۇندەرى عيماراتقا كىرە بەرىستە جەدەل جاردەم بريگادالارىنىڭ كەزەكشىلىگىن قامتاماسىز ەتۋگە مىندەتتى.

«ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى، س.سەيفۋللين اتىنداعى قازاق اگروتەحنيكالىق ۋنيۆەرسيتەتى، قازاق ەكونوميكا، قارجى جانە حالىقارالىق ساۋدا ۋنيۆەرسيتەتى رەكتورلارى سىناقتىق تەستىلەۋ باستالعانعا دەيىن نۇر-سۇلتان قالاسىنىڭ سانيتار-ەپيدەميولوگيالىق باقىلاۋ دەپارتامەنتىنىڭ اۋداندىق باسقارمالارىمەن تەستىلەۋ پۋنكتتەرىنىڭ دايىندىعىن باعالاۋدى قامتاماسىز ەتۋى ءتيىس.

قاۋلىنىڭ تولىق ماتىنىمەن مىنا سىلتەمە ارقىلى تانىسۋعا بولادى.

سوڭعى جاڭالىقتار

ۇقساس جاڭالىقتار