قوستاناي وبلىسىندا اليمەنت تولەمەگەن بورىشكەرلەردىڭ بەرەشەگى 99 ملن تەڭگەدەن اسىپ كەتكەن. بۇگىندە اليمەنتتەردى ءوندىرىپ الۋ تۋرالى ازاماتتىق-اتقارۋشىلىق ىستەردىڭ 398-ءى جەكە سوت ورىنداۋشىلارىنا جىبەرىلدى. اليمەنتتەن جالتارعان تاعى 3 اكەنىڭ ىسىمەن مەملەكەتتىك سوت ورىنداۋشىلارى جۇمىس ىستەپ جاتىر.
«وبلىس بويىنشا اعىمداعى جىلدىڭ ەكى ايىندا 42 ادام اكىمشىلىك جاۋاپقا تارتىلدى. ولاردىڭ ءىسى قر اكىمشىلىك قۇقىق بۇزۋشىلىق كودەكسىنىڭ 669 بابىمەن قارالدى. زاڭعا سايكەس كامەلەتكە تولماعان بالالارعا تولەنەتىن اليمەنتتەر كولەمىن سوت ورىنداۋشىسى جالاقى مەن وزگە دە كىرىستەردى نەگىزگە الا وتىرىپ ايقىندايدى. ەگەر ادام وسى كەزەڭدە جۇمىس ىستەمەسە, وندا ونىڭ اليمەنت تولەۋ سوماسى قازاقستان رەسپۋبليكاسىنداعى ورتاشا ايلىق جالاقى مولشەرىنە نەگىزدەلەدى», دەيدى وبلىستىق ادىلەت دەپارتامەنتى باسشىسىنىڭ ورىنباسارى دينارا سارسەبەكوۆا.
قوستاناي وبلىسىندا 429 ادام اليمەنت تولەۋدەن باس تارتقان. كەيبىرەۋىنىڭ قارىزى 3 ميلليون تەڭگەگە جەتكەن. سوت ورىنداۋشىلارى بالاعا تيەسىلى قاراجاتتى قايتارۋ ءۇشىن اكىمشىلىك ىستەردى كوبەيتپەك. جالپى قوستانايدا 96 جەكە,17 مەملەكەتتىك سوت ورىنداۋشى جۇمىس ىستەيدى. ولار پوليتسەيلەرمەن بىرلەسە وتىرىپ ءتۇرلى رەيدتىك-شارالار وتكىزىپ جتىر.
ايتا كەتەيىك, «نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ كودەكسىنىڭ زاڭنىڭ 125-بابىندا اتقارۋشىلىق قۇجاتتى ورىنداماعانى ءۇشىن بورىشكەر اكىمشىلىك نە قىلمىستىق جاۋاپكەرشىلىككە تارتىلۋى مۇمكىن ەكەندىگى جازىلعان. 2020 جىلى جەكە سوت ورىنداۋشىلارى 167 بورىشكەردى اكىمشىلىك جاۋاپقا تارتتى, ناتيجەسىندە 119 اكەنىڭ مۇلكى تاركىلەنگەن.
