وتكەن تاۋلىكتە قۇرامىندا اكىمدىكتىڭ جانە تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ وكىلدەرى بار ءموبيلدى توپ كارانتين شەكتەۋلەرىنىڭ ساقتالۋىن قاداعالاۋ بويىنشا 139-عا جۋىق كاسىپكەرلىك سۋبەكتىنى تەكسەردى.
تەكسەرىس جۇرگىزۋ بارىسىندا كارانتيندى بۇزعان جەتى وبەكت انىقتالدى. ولاردىڭ ىشىندە دۇكەندەر, كافە-بارلار جانە سپا سالوندار بار. تۇران كوشەسىندەگى مەيرامحانالاردىڭ بىرىندە «قىز ۇزاتۋ», ەكىنشىسىندە 50 جىلدىق مەرەيتوي ۇيىمداستىرىلعان.
مەيرامحانالاردىڭ زالدارى قوناقتارعا تولى بولعان جانە ولار ەشقانداي كارانتين شارالارىن ساقتاماعان. 50 جىلدىق مەرەيتويعا شاقىرىلعان قوناقتار كارانتين شارالارى مەن الەۋمەتتىك قاشىقتىقتى مۇلدەم ساقتاماعان. «قىز ۇزاتۋعا» كەلگەندەر بي كورىگىن قىزدىرىپ جاتقان.
ءىس-شاراعا قارت ادامداردان باستاپ بالالارعا دەيىن بارلىق جاستاعى قوناقتار قاتىسقانى انىقتالدى. قۇقىق بۇزۋشىلارعا قاتىستى جيناقتالعان ماتەريالدار قر اقبتك-ءنىڭ 425-بابى (حالىقتىڭ سانيتاريالىق-ەپيدەميالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) بويىنشا اكىمشىلىك جاۋاپكەرشىلىككە تارتۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.
18 قاڭتاردان باستاپ الەۋمەتتىك قاشىقتىقتى جانە سانيتارلىق-پروفيلاكتيكالىق تالاپتاردى ساقتاۋ ارقىلى قوعامدىق تاماقتانۋ نىساندارىنىڭ جۇمىسىنا ساعات 07:00-دەن 20:00-گە دەيىن (مەيرامحانا, كافە-بارلار جانە ت.ب.) رۇقسات بەرىلەتىنىن ەسكە سالامىز.
نۇر-سۇلتان قالاسىنىڭ پوليتسيا دەپارتامەنتى مەكەمە يەلەرى مەن كەلۋشىلەردىڭ بەيقامدىعى ىندەتتىڭ تارالۋىنا الىپ كەلەتىنىن ەسكەرتەدى.
