كاسىپكەرلەر «Almaty Business - 2025» باعدارلاماسىن پايدالانا الا ما؟

ەكونوميكا • 18 قاڭتار، 2021

كاسىپكەرلەر «Almaty Business - 2025» باعدارلاماسىن پايدالانا الا ما؟

14 رەت كورسەتىلدى

بۇگىن «Almaty Finance» جشس باسقارما توراعاسىنىڭ ورىنباسارى زاڭعار سالىمباەۆ الماتىلىق كاسىپكەرلەردى قولداۋ شارالارىن بەلسەندى تۇردە پايدالانۋعا شاقىردى، دەپ حابارلايدى Egemen.kz.

ايناش ەسالى

«Almaty Business – 2025» باعدارلاماسى اياسىندا جاسالعان قۇرالدار بيزنەستى جۇرگىزۋ ءۇشىن قولايلى جاعدايلار جاساۋعا، قارجىلاندىرۋدىڭ قولجەتىمدىلىگىن ارتتىرۋعا، اكىمشىلىك كەدەرگىلەردى ازايتۋعا، كاسىپكەرلەردى قولداۋعا باعىتتالعان. «Almaty Finance» ۇيىمى 8 ملرد تەڭگەدەن استام سوماعا 42 جوبانى ماقۇلدادى، جۇزدەن استام جۇمىس ورنى قۇرىلدى.

«Almaty Finance» قارىزى (زايمى) قاراجاتتى قولما-قول اقشاعا اينالدىرعانى نەمەسە ءوتىنىمدى قاراعانى ءۇشىن جاسىرىن كوميسسيالاردى كوزدەمەيدى. نەسيە تەك تەڭگەمەن، جەتى جىلعا دەيىنگى مەرزىمگە بەرىلەدى. اينالىم قاراجاتىن تولىقتىرۋعا قارىز مەرزىمى 36 ايعا دەيىن، ينۆەستيتسيالىق ماقساتتارعا 84 ايعا دەيىن. ەكى سىياقى مولشەرلەمەسى ارەكەت ەتەدى: 2% – ماكسيمالدى قارىز سوماسى 70 ملن تەڭگە بولاتىن ونەركاسىپتىك پاركتە بيزنەستى ىسكە اسىراتىندار ءۇشىن; جانە 6% – بيزنەستىڭ قالعان باعىتتارى ءۇشىن 500 ملن تەڭگەگە دەيىنگى نەسيەلەۋ ليميتىمەن.

ء«ىسىن جاڭا باستاعان نەمەسە جۇمىس ىستەپ جۇرگەن كاسىپكەرلەردىڭ بارلىعى قارجىلاندىرۋ ءۇشىن «Almaty Finance»-قا جۇگىنە الادى. باستى شارتتاردىڭ ءبىرى - جوبا تولەمگە قابىلەتتى، ىسكە اسىرىلاتىن بولۋى ءتيىس. جاڭا مۇمكىندىكتەر مەن مەملەكەت تاراپىنان بيزنەسكە كورسەتىلىپ جاتقان بەلسەندى قولداۋ اياسىندا مەگاپوليس كاسىپكەرلەرىن «Almaty Business-2025» باعدارلاماسى اياسىندا ۇسىنىلىپ وتىرعان مۇمكىندىكتەردى پايدالانۋعا شاقىرامىن. ەگەر وقۋ قاجەتتىلىگى بولسا نەمەسە بيزنەس-جوسپاردى دايىنداۋعا كومەك قاجەت بولسا، «Qoldaý» كاسىپكەرلىك ورتالىعىنا شاقىرامىز»، دەدى ول.

بۇگىندە نەسيە جەلىلەرى 6،8 ملرد تەڭگە سوماسىنا 26 جوبانى قارجىلاندىرۋ ءۇشىن اشىق. قارجى قاراجاتى مىڭنان استام ءتۇرلى، سونىڭ ىشىندە COVID-19-عا زەرتتەۋلەر جۇرگىزۋگە قابىلەتتى جاڭا زەرتحانا اشۋعا، كوفە داندەرىن قۋىرۋ تسەحىن قۇرۋعا، تىگىن تسەحىن ىسكە قوسۋعا، جيھاز جانە جيھاز فۋرنيتۋراسىن، مەتالدان جاسالعان بۇيىمداردى، گيگيەنالىق قۇرالداردى، ورتوپەديالىق ماتراستار وندىرۋگە، 200 ورىندىق جالپى ءبىلىم بەرەتىن مەكتەپ سالۋعا، IT-يندۋستريا سالاسىنداعى جوبالارعا: ەلەكتروندىق تولەمدەر مەن پروتسەسسينگتىك قىزمەتتەردى ۇيىمداستىرۋعا، ءۇش كومپونەنتتى ينتەگراتسيالانعان جۇيەنى قۇرۋعا جانە تاعى باسقاسىنا باعىتتالعان.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز