وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ: «بارلىق شۇعىل قىزمەت دەرەۋ وقيعا ورنىنا شىقتى. وقۋشىلاردى, وقىتۋشىلار قۇرامى مەن وزگە دە قىزمەتكەرلەر ەۆاكۋاتسيالاندى. بارلىعى 600-دەن استام ادام قاۋىپسىز جەرگە كوشىرىلدى. ارنايى بولىمشە ساپەرلەرى عيماراتتاعى جارىلعىش قۇرىلعىلاردى انىقتاۋ ءۇشىن تەكسەرۋ جۇرگىزدى», دەپ ايتىپ ءوتتى.
جارىلعىش قۇرىلعى تابىلعان جوق. اتالعان فاكتى بويىنشا سوتقا دەيىنگى تەرگەۋ باستالدى. پوليتسيا دەپارتامەنتى كۇدىكتىنى انىقتاۋ جانە ۇستاۋعا باعىتتالعان جەدەل ءىس-شارانى جالعاستىرىپ جاتىر.
