بۇعان دەيىن بەدەۋلىكتەن ەمدەيمىن دەپ جۇرتتى الداعان ايەلگە الماتى وبلىسىنىڭ پوليتسياسى الاياقتىق جاسادى دەگەن كۇدىكپەن ىزدەۋ سالعان.
تۇركسىب اۋداندىق پب جانىنداعى پوليتسيا ءبولىمىنىڭ باستىعى ەرلان ايانباەۆ: ء"وزىن مەديتسينالىق مەكەمە قىزمەتكەرى رەتىندە تانىستىرىپ, گينەكولوگيا سالاسى بويىنشا بەدەۋلىكتى ەمدەۋگە جانە باسقا دا ءتۇرلى مەديتسينالىق كومەك كورسەتۋگە ۋادە بەرگەن جانە سول ءۇشىن قوماقتى سىياقى سۇراعان. جابىرلەنۋشىلەرمەن التىناي ەسىمىمەن تانىسقان. ادامداردىڭ سەنىمىنە كىرە بىلەدى. سوندىقتان ەشكىم الدايدى دەپ ويلاماعان. قازىر كۇدىكتى قاماۋدا. سوتقا دەيىنگى تەرگەۋ قك-ءنىڭ 190-بابى "الاياقتىق" بويىنشا جۇرگىزىلىپ جاتىر. ول بۇدان بولەك الاياقتىق ارەكەتتەر جاسادى دەگەن كۇدىك بار. سوندىقتان بۇل ايەلدى تانىعان نەمەسە ونىڭ ارەكەتىنەن زارداپ شەككەن ازاماتتاردى مىنا تەلەفون ءنومىرى ارقىلى حابارلاسۋعا شاقىرامىز: 295-54-61, 8-775-718-35-05 جانە 8-701-758-67-60", دەپ تۇيىندەدى.
