ەلوردا • 18 قاڭتار، 2021

ەلوردادا كارانتيندى بۇزعاندارعا قانشا تەڭگە ايىپپۇل سالىندى؟

12 رەت كورسەتىلدى

بۇگىنگە دەيىن جالپى سوماسى 190 988 725 تەڭگە بولاتىن 1016 اكىمشىلىك ايىپپۇل وتەلدى، دەپ حابارلايدى Egemen.kz

نۇر-سۇلتاندا وتكەن جىلدىڭ ەكىنشى جارتىجىلدىعىندا مونيتورينگ توپتارى كارانتيندىك شارالاردى ساقتاۋ بويىنشا 5000-نان استام رەيد جۇرگىزدى. مىسالى، 2020 جىلدىڭ 9 قازانىنان باستاپ وسى جىلدىڭ 17 قاڭتارىنا دەيىن ارالاۋ بارىسىندا 1309 بۇزۋشىلىق انىقتالدى. ونىڭ ىشىندە: الماتى اۋدانى بويىنشا – 347، بايقوڭىر اۋدانى بويىنشا – 273، ەسىل اۋدانى بويىنشا – 398، سارىارقا اۋدانى بويىنشا 291.

ايتا كەتۋ كەرەك، كارانتين رەجيمىن قاساقانا بۇزۋشىلارعا قاتىستى ماتەريالدار سوتقا جىبەرىلەدى. وسىلايشا، ەلوردالىق اكىمشىلىك سوتتىڭ شەشىمىمەن بىرقاتار مەكەمەنىڭ قىزمەتى توقتاتىلدى.

بۇعان دەيىن اتالعان شوب سۋبەكتىلەرىنە كارانتيندىك تالاپتاردى ساقتاۋ جونىندە ەسكەرتۋ جاسالعان بولاتىن. ەگەر جۇمىسىن توقتاتۋ تۋرالى سوت شەشىمى ورىندالماعان جاعدايدا مەكەمە باسشىلارى اكىمشىلىك قاماۋعا الىنادى. قازىرگى ۋاقىتتا كارانتيندىك شارالاردى بۇزعانى ءۇشىن قوعامدىق مەكەمەلەرگە قاتىستى تاعى 12 ماتەريال سوت قاراۋىندا جاتىر.

وسى ۋاقىتقا دەيىن نۇر-سۇلتان قالاسىنىڭ سانيتارلىق-ەپيدەميالىق باقىلاۋ دەپارتامەنتىنە كارانتيندى بۇزۋعا جول بەرگەن تۇلعالارعا قاتىستى 2 484 ماتەريال كەلىپ ءتۇستى، ولار بويىنشا 1224 جەكە، لاۋازىمدى جانە زاڭدى تۇلعالار جالپى سوماسى 239 633 450 تەڭگەگە اكىمشىلىك جاۋاپكەرشىلىككە تارتىلدى.

بۇگىندە 190 988 725 تەڭگەگە 1016 اكىمشىلىك ايىپپۇل وتەلدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار