ەلوردا • 18 قاڭتار، 2021

نۇر-سۇلتاندا قالالىق پاركتەر 2021 جىلى قالاي تۇرلەنەدى؟

13 رەت كورسەتىلدى

نۇر-سۇلتاندا قالالىق پاركتەر جاسىل ارتەرياعا جانە ۆەلوسيپەدشىلەر مەن جاياۋ جۇرگىنشىلەر جولى بىرىكتىرىلەدى. سۋ بەتىندەگى قالقىمالى جاعالاۋ، سكەيت-پارك، كوشە كينوتەاترى، جاڭا قالالىق جاعاجاي، سپورت پاۆيلوندارى جانە تاعى باسقالارى سالىنادى، دەپ حابارلايدى Egemen.kz

پاركتەر مۇمكىندىگى شەكتەۋلى جانداردىڭ مۇددەلەرىن ەسكەرە وتىرىپ سالىناتىن بولادى. جوبادا ەسىل وزەنىنىڭ بويىندا ۇزىندىعى 16 كيلومەترگە جۋىق جاياۋ جۇرگىنشىلەر ايماعى مەن ۆەلوجول سالۋ كوزدەلگەن، پاركتەردىڭ جالپى اۋدانى – 360 گەكتار. ەلوردانى ودان ءارى دامىتۋ «نۇر-سۇلتان – جايلى قالا» ماستەر-جوسپارىنا ەنگىزىلگەن.

ەلوردا اكىمى التاي كولگىنوۆپەن كەزدەسۋ بارىسىندا سپورت فەدەراتسيالارىنىڭ باسشىلارى ساياباقتاردا سپورتشىلار مەن باسقا دا سپورتپەن شۇعىلداناتىن ادامدار كيىم اۋىستىرىپ، سپورت جابدىقتارى مەن زاتتارىن سالاتىن ورىنداردىڭ بولماۋى تۋرالى ماسەلەنى كوتەردى. وسىلايشا، ساياباقتاردا سپورت پاۆيلوندارىن اشۋ جوسپارلانۋدا. الدىمەن ترياتلون-پارككە سالىنباق. وندا شەشىنەتىن بولمەلەر، دۋش جانە جاتتىقتىرۋشىلار مەكتەبى بولادى.

نۇر-سۇلتان اكىمدىگى 2020 جىلى پاندەمياعا قاراماستان قالانى اباتتاندىرۋ بويىنشا اۋقىمدى جۇمىستار اتقاردى. جالپى العاندا 760 مىڭ شارشى مەتردەن استام اۋلا اباتتاندىرىلدى. بۇل 150-دەن استام اۋلا مەن 60 قوعامدىق كەڭىستىك (ساياباقتار، سكۆەرلەر، بۋلۆارلار). قالانىڭ ەسكى بولىگىنە باسا نازار اۋدارىلدى. قالا تۇرعىندارى ءۇشىن پرەزيدەنتتىڭ تاپسىرماسى بويىنشا سپورتپەن شۇعىلدانۋ ءۇشىن جاعدايلار جاسالۋدا. مەملەكەت باسشىسى بۇقارالىق سپورتتى دامىتۋدىڭ ماڭىزدىلىعىن ايرىقشا اتاپ وتكەن ەدى.

ەلوردانىڭ جاس تۇرعىندارىنىڭ ءوتىنىشى بويىنشا العاش رەت ل.ن. گۋميلەۆ اتىنداعى ەۇۋ جانىندا كوپىردىڭ استىندا ورنالاسقان سكەيت-الاڭ اشىلدى. سونداي-اق، ستريتبول الاڭى، ۇستەل تەننيسى الاڭى جانە workout ايماعى بار. بيىل وقۋشىلار سارايىنىڭ جانىندا تاعى ءبىر سكەيت-پارك اشىلادى.

پرەزيدەنتتىك ساياباقتا قالقىمالى تاقتاي جاعالاۋى ورناتىلادى. بۇل ەلوردا تۇرعىندارى مەن قوناقتارى ءۇشىن تارتىمدى ورىندارىنىڭ ءبىرى بولادى.

اقبۇلاق وزەنىنىڭ جاعالاۋى اباتتاندىرىلادى، وندا جاڭا قالالىق جاعاجاي سالىنادى.

ء«بىز قالا تۇرعىندارىنىڭ قاجەتتىلىكتەرىن ەسكەرەمىز. تۇرعىندار جاياۋ سەرۋەندەۋدى، جالپى سپورتتى جاقسى كوردى. مىسالى، وتكەن جازدا العاش رەت اشىلعان جاڭا ساحنا ارت-كەڭىستىگىن الايىق. قازىر ولار قالا تۇرعىندارىنىڭ سۇيىكتى ورىندارىنىڭ بىرىنە اينالدى. سالاۋاتتى ءومىر سالتى يدەياسىن ناسيحاتتاۋ وتە ماڭىزدى. بىرىككەن پاركتەر ينكليۋزيۆتى بولادى، ياعني حالىقتىڭ بارلىق توپتارىنىڭ قاجەتتىلىكتەرى نازارعا الىنادى»، - دەپ اتاپ ءوتتى ۋربانيستيكا ورتالىعىنىڭ باسشىسى ەلنار بازىكەن.

ساياباق اۋماعى قالا سەكىلدى اۋقىمدى كوگالداندىرىلاتىن بولادى. ەلباسى سۇحباتتارىنىڭ بىرىندە اتاپ وتكەندەي، قالانىڭ باس جوسپارى عيماراتتاردىڭ، جاسىل جەلەكتەر مەن ورماننىڭ سيمبيوزى رەتىندە جاسالعان. وسى تاقىرىپتى ارى قاراي دا جالعاستىرۋ قاجەت. «ۇيلەر مەن عيماراتتاردىڭ اينالاسىندا اعاش وتىرعىزۋ قاجەت، بۇل ورىندار تاقىر جەر ەمەس، جاسىل بولۋى كەرەك. بۇل قازاقستاندىق قاتال كليمات جاعدايىندا وتە ماڭىزدى».

سوڭعى جاڭالىقتار

ۇقساس جاڭالىقتار