قوعام • 18 قاڭتار، 2021

ءۇيدى بولىسە الماعان بالالارى اناسىن سوققىعا العان

1685 رەت كورسەتىلدى

شىمكەنت قالاسىندا قارت انانى قىزدارى مەن كۇيەۋ بالالارى ءۇيدى ءبولىسۋ ءۇشىن ۇرىپ-سوققان، دەپ حابارلايدى Egemen.kz

بۇل تۋرالى ادۆوكات ەركىن كاحاروۆ ءوزىنىڭ Facebook پاراقشاسىندا ايتتى.

ونىڭ ايتۋىنشا، قارت ايەلدى ءوز قىزدارى كۇيەۋلەرىمەن ۇرعان. بۇل جاعدايدىڭ باستى سەبەبى – اكەسىنەن مۇراعا قالعان ءۇيدى بولىسە الماۋى. ادۆوكات مۇنىڭ ءبارى قارت انا مارقۇم كۇيەۋىمەن بىرگە سالىپ، ءومىر بويى تۇرىپ كەلگەن ءۇيىن 2018 جىلى ءوزىنىڭ كىشى قىزىنا سىيعا تارتقان كەزدەن باستالعانىن ايتتى.

الايدا، ءۇيدى كىشى قىزىنىڭ اتىنا اۋدارعاننان ون كۇن وتكەن سوڭ، قىزى قايتىس بولادى. جىلجىمايتىن م ۇلىكتىڭ مۇراگەرى وسى كىشى قىزدىڭ كۇيەۋى جانە ونىڭ ەكى بالاسى بولدى. ءۇيدىڭ 1/8 بولىگى زاڭعا سايكەس، ءبىرىنشى كەزەكتەگى مۇراگەر رەتىندە اجەنىڭ وزىنە تيەسىلى. دەگەنمەن، كەنجە قىزىنىڭ كۇيەۋى ايەلى قايتىس بولعاننان 40 كۇن وتكەن سوڭ، قايىن ەنەسىنەن ۇيدەن كەتۋىن سۇراعان. بىراق قارت انا باراتىن جەرى جوق جانە ونىڭ ءۇيى وسىندا ەكەنىن ايتقان. وسى جاعدايدان سوڭ سوت پروتسەستەرى باستالدى.

اجەنىڭ ايتۋىنشا، سوت تالقىلاۋىنا ول 1،8 ميلليون تەڭگە جۇمساپ، ناتيجەسىندە سوتتا جەڭىلىس تاپقان.

كەيىن اجەنىڭ قالعان ەكى قىزى مۇرادان ءوز ۇلەستەرىن الماق بولىپ، كىشى قىزىنىڭ كۇيەۋىمەن قوسىلىپ تۋعان انالارىن ۇرىپ سوققان. ناتيجەسىندە، انانىڭ سول قولى ەكى جەردەن سىنىپ، دەنەسىندە كوپتەگەن كوگەرۋ مەن جارالار قالعان.

ەركىن كاحاروۆ اتاپ وتكەندەي، ورىن العان جاعدايدان كەيىن ول ءوز وزىنە قول جۇمساماق بولعان. سونىمەن قاتار جەرگىلىكتى تۇرعىندار اناسىن ۇرىپ سوققان قاتىگەز بالالاردى جازالاۋ تۋرالى وتىنىشپەن پوليتسياعا جۇگىنگەن، بىراق ولاردان ازىرگە جاۋاپ بولماي وتىر.

 

ايتولقىن مىرزاكەريم

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار