وقيعا • 18 قاڭتار، 2021

پەتروپاۆلدا پوليتسەيگە شابۋىل جاساعان ەر ادام قولعا ءتۇستى

13 رەت كورسەتىلدى

پەتروپاۆل قالاسىندا پوليتسەيلەرگە ەر ادامنىڭ شابۋىل جاساعان ۆيدەوسى الەۋمەتتىك جەلىدە تارالىپ جاتىر، دەپ حابارلايدى Egemen.kz

وقيعا «ۆوسحود» جاتاقحاناسىندا ورىن العان. كادرلاردا جاس ەر ادامنىڭ وزىنە جاقىنداپ كەلە جاتقان ءتارتىپ ساقشىسىن كورىپ، وزىنە پىشاق جاراقاتتارىن سالىپ، پوليتسەيلەردى ونىمەن قورقىتىپ جاتقانى كورىنىپ تۇر. سول مەزەتتە تاسپا وبەكتيۆىنە تاعى ءبىر ەر ادام ءتۇسىپ قالدى. ولار ءتارتىپ ساقشىلارىمەن توبەلەسە باستادى.

پوليتسيا دەپارتامەنتىنىڭ ءباسپاسوز قىزمەتىندە وقيعانى ءتۇسىندىرىپ ءوتتى. «102» نومىرىنە «ۆوسحود» جاتاقحاناسىندا ەكى ەر ادامنىڭ توبەلەس شىعارعانى تۋرالى حابارلاما كەلىپ ءتۇستى. وقيعا ورنىنا پاترۋلدىك پوليتسيا باتالونىنان قۇرالعان قىزمەتكەرلەر جىبەرىلدى.

ءمان-جايدى انىقتاۋ بارىسىندا كۇدىكتى ەر ادام قارسىلىق رەتىندە قۇقىق قورعاۋ قىزمەتكەرلەرىنە قارسى كۇش قولداندى.

اتالعان فاكتى سوت الدىنداعى تەرگەۋدىڭ بىرىڭعاي تىزىلىمىندە ء«تارتىپ ساقشىسىنا قاتىستى زورلىق كورسەتۋ» قىلمىستىق بابى بويىنشا تىركەلگەن»، دەپ حابارلادى ۆەدومستۆونىڭ ءباسپاسوز قىزمەتىنەن. پەتروپاۆل قالاسىنىڭ 29 جاستاعى تۇرعىنى ۋاقىتشا تەرگەۋ وقشاۋلاعىشىنا قامالدى.

قاجەتتى تەرگەۋ امالدارى جۇرگىزىلىپ جاتىر، ولاردىڭ قورىتىندىسى بويىنشا زاڭدى پروتسەسسۋالدىق شەشىم قابىلدانادى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار