ايماقتار • 18 قاڭتار، 2021

ەلىمىزدە 1000-نان استام جۇرگىزۋشى جاۋاپقا تارتىلدى

10 رەت كورسەتىلدى

2020 جىلى اقمولالىق پوليتسەيلەر بالالاردى قورعاۋعا ارنالعان قۇرىلعىسى جوق بولسا دا بالالاردى تاسىمالداعانى ءۇشىن 1000-نان استام جۇرگىزۋشىنى جاۋاپقا تارتتى، دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

2020 جىلى وبلىس اۋماعىندا بالالاردىڭ قاتىسۋىمەن 109 جول-كولىك وقيعاسى ورىن الىپ، وندا 144 بالا ءتۇرلى دەنە جاراقاتتارىن العانىن ايتا كەتۋ كەرەك.

پاترۋلدىك پوليتسيا باتالونىنىڭ قىزمەتكەرلەرى ازاماتتاردىڭ اۆتوكولىك قۇرالدارىنىڭ سالونىندا بالالاردى تاسىمالداۋ ەرەجەلەرىن ساقتاۋىن قاداعالاۋ بويىنشا ءىس-شارالاردى تۇراقتى تۇردە جۇرگىزەدى.

وتكەن جىلى 1000-نان استام جۇرگىزۋشى ارنايى بالالاردى ۇستايتىن قۇرىلعىلارسىز بالالاردى تاسىمالداعانى ءۇشىن اكىمشىلىك جاۋاپكەرشىلىككە تارتىلدى.

"جول ءجۇرىسى تۋرالى" قازاقستان رەسپۋبليكاسى زاڭىنىڭ تالاپتارىنا سايكەس كولىك قۇرالىنىڭ جۇرگىزۋشىسىنە بالالاردى ۇستاپ تۇراتىن قۇرىلعى نەمەسە كولىك قۇرالىنىڭ كونسترۋكتسياسىندا كوزدەلگەن قاۋىپسىزدىك بەلدىگىنىڭ كومەگىمەن بالانى ۇستاپ تۇراتىن وزگە دە قۇرالدار بولماعان كەزدە، ال مەحانيكالىق كولىك قۇرالىنىڭ الدىڭعى ورىندىعىندا بالالاردى ۇستاپ تۇراتىن قۇرىلعى بولماعان كەزدە 12 جاسقا دەيىنگى بالالاردى تاسىمالداۋعا تىيىم سالىنادى.

ءتارتىپ ساقشىلارى بارلىق اۆتوكولىك جۇرگىزۋشىلەرىنە وسى ماسەلەگە كوڭىل بولۋگە جانە بالالارىنىڭ دەنساۋلىعى مەن ءومىرىن قورعاۋعا شاقىرادى.

سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار