ءبىلىم • 18 قاڭتار، 2021

جامبىل مەكتەپتەرىندە 222 وقۋشى قاشىقتان وقىپ جاتىر

22 رەت كورسەتىلدى

جامبىل وبلىسىندا اعىمداعى وقۋ جىلىنىڭ ءىىى توقسانىندا 222 مەكتەپ وقۋشىلاردى قاشىقتان وقىتىپ جاتىر، دەپ حابارلايدى Egemen.kz

قازىرگى تاڭدا وڭىردەگى مەكتەپتەردەگى وقۋ ءۇردىسى 3 ءتۇرلى فورماتتا جۇزەگە اسۋدا. بۇل تۋرالى جامبىل وبلىستىق ءبىلىم باسقارماسىنىڭ باسشىسى گۇلنار حودجابەرگەنوۆا وكق اقپارات الاڭىندا وتكەن بريفينگتە باياندادى.

ء«ىىى توقساندا 222 مەكتەپتە 117 121 وقۋشى قاشىقتان وقىتىلىپ جاتىر. بۇل وڭىردەگى بارلىق وقۋشىلاردىڭ 49 پايىزىن قۇرايدى. ال، ەپيدەميولوگيالىق جاعدايى تۇراقتى الىس اۋىل-ايماقتارداعى وقۋشى سانى 300-گە دەيىنگى 234 مەكتەپتە 36 632 وقۋشى ءداستۇرلى تۇردە ءبىلىم الۋدا. بۇل 15،2 پايىزعا شاق. قاشىقتان وقيتىن مەكتەپتەردەگى 1-5 سىنىپ وقۋشىلارى ءۇشىن 4785 «كەزەكشى سىنىپ» اشىلىپ، وندا 61217 وقۋشىنى ءداستۇرلى تۇردە وقىتۋدامىز»، دەدى گۇلنار حودجابەرگەنوۆا.

ايماقتىڭ باس پەداگوگى مەكتەپ ءبىتىرۋشى 9 جانە 11 سىنىپتاردىڭ بارلىق وقۋشىلارى ءداستۇرلى فورماتتا وقۋدى باستاعانىن ايتتى. ولاردا وقۋ پاندەرىنىڭ 70 پايىزى ءداستۇرلى تۇردە، ال قالعان 30 پايىزى قاشىقتان وقىتىلادى.

كەزەكشى سىنىپتارداعى وقۋشىلاردىڭ سانى 15 ادامنان اسپاۋى قاجەت. ساباق ۋاقىتى 30 مينۋتتان اسپايدى جانە ۇزىلىسكە 5 مينۋت بەرىلگەن. ايتا كەتۋ كەرەك، جالپى ايماقتاعى 456 مەكتەپتە 240 813 وقۋشى ءبىلىم الىپ جاتىر. ال وسى ايدىڭ 11 قاڭتارىنان باستاپ وقۋ جىلىنىڭ ءۇشىنشى توقسانى باستالعانى بەلگىلى.

ءبىلىم وشاقتارىنداعى ءۇشىنشى كەزەڭ 20 ناۋرىزعا دەيىن جالعاسادى.

ال ەكىنشى سەمەستردە كاسىپتىك جانە تەحنيكالىق ءبىلىم بەرۋ ۇيىمدارىنداعى ستۋدەنتتەر ارالاس فورماتتا وقيدى. ياعني پاندەردىڭ 70 پايىزى شتاتتىق رەجىمدە، 30 پايىزى قاشىقتىقتىقتان وتەدى. كوللەدجەردە وقىتۋ ءىسى 15 ستۋدەنتتەن اسپايتىن شاعىن توپتاردا جۇرگىزىلۋى ءتيىس.

دەمەك، اۋديتوريانىڭ تولتىرىلۋى 50 پايىزدان اسپاۋى كەرەك.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار