ايماقتار • 17 قاڭتار، 2021

ينتەرنەت-الاياقتىق جاساعان 97 ادام قىلمىستىق جاۋاپكەرشىلىككە تارتىلدى

18 رەت كورسەتىلدى

نۇر-سۇلتان قالاسىنىڭ پوليتسيا دەپارتامەنتىندە وتكەن جىلى جاسالعان ينتەرنەت-الاياقتىق فاكتىلەرى ايتىلدى، – دەپ حابارلايدى Polisia.kz.

2020 جىلى ينتەرنەت-الاياقتىق جاساعانى ءۇشىن ەلوردالىق پوليتسيا 97 ادامدى قىلمىستىق جاۋاپكەرشىلىككە تارتقان. جابىرلەنۋشىلەرگە 100 ميلليون تەڭگە قايتارىلدى. ەلوردالىق پوليتسيا باسشىسى ەرجان سادەنوۆتىڭ ايتۋىنشا ونلاين-ساۋدانىڭ پاندەميا كەزىندە ارتقانى بايقالدى، الاياقتار ينتەرنەت جەلىسىندە وسى ءساتتى پايدالاندى.

ولاردىڭ اراسىندا مەديتسينالىق بەتپەردەلەردى، انتيسەپتيكتەردى، ءدارى-دارمەكتەردى، توندار، ۇيالى تەلەفوندار، جيھازدار جانە ت.ب. ساتىلادى دەگەن سىلتاۋمەن جاسالعان الاياقتىقتى اتاۋعا بولادى. الاياقتار ولاردىڭ ءبارىن جۇزدەگەن جالعان اككاۋنتتاردا جانە الەۋمەتتىك جەلىلەردەگى حابارلاندىرۋلاردا ساتقان. مۇنداي ينتەرنەت-رەسۋرستار كەيىننەن انىقتالىپ بۇعاتتالدى.

باسقا الاياقتار وزدەرىن بانك قىزمەتكەرى رەتىندە تانىستىرىپ، بانك كارتالارى بار ادامداردان الداۋ ارقىلى رەكۆيزيتتەرىن جانە سمس-پارولدەرىن ءبىلىپ الىپ، وسىلايشا ولاردىڭ شوتتارىنان اقشا جىمقىرعان. وسىنداي الاياقتاردىڭ ارەكەتىنەن 300 –دەن استام ەلوردا تۇرعىنى زارداپ شەكتى.

جىلدىڭ ەكىنشى جارتىسىندا “OLX” جانە “Kolesa” جەكە حابارلاندىرۋ سايتتارىنىڭ قولدانۋشىلارى زارداپ شەكتى. وسى سايتتاردا تاۋار ساتامىن دەگەن ازاماتتارعا الاياقتار جەتكىزۋ قىزمەتىن ۇسىنعان. ەشتەڭەدەن كۇدىكتەنبەگەن ازاماتتارعا سايتقا ۇقساس سىلتەمەنى جىبەرىپ، بانك كارتاسىنىڭ رەكۆيزيتتەرى بار انكەتانى تولتىرۋدى وتىنگەن. الايدا، تولتىرعاننان كەيىن قولدانۋشىلار پايدا تۇگىل، جيناعان قاراجاتىنان دا ايىرىلعان. الاياقتار كوبىنەسە ازاماتتاردىڭ بەيقامدىعىن، سەنگىشتىگىن جانە مۇقياتسىزدىعىن پايدالانادى. ولار شوتتان اقشالارى الىنعان كەزدە عانا بارىپ الدانعانىن بىلەدى.

الاياقتىق ارەكەتتەردىڭ الدىن الۋ ءۇشىن پوليتسيا دەپارتامەنتى:

• ءۇشىنشى تۇلعالارعا بانك كارتالارىنىڭ رەكۆيزيتتەرىن، CVV-كودتى جانە ءپارولدى بەرمەۋدى;

• تاۋاردىڭ بار-جوعىنا جانە ساپاسىنا كوز جەتكىزبەيىنشە الدىن الا تولەمنەن باس تارتۋدى;

• ونلاين-نەسيەلەردى رەسىمدەۋدى الدىن الۋ ءۇشىن بوتەن ادامدارعا دەربەس دەرەكتەردى بەرمەۋدى;

• اقشانى كوبەيتۋ بويىنشا كۇماندى اكتسيالارعا قاتىسپاۋدى; • ۇسىنىلاتىن قىزمەتتەردىڭ شىنايىلىعىن تەكسەرۋدى (OLX-جەتكىزۋ، م ۇلىكتى جالعا الۋ، ۇتىستارعا اقشا سالۋ) ۇسىنادى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار