ءبىلىم • 15 قاڭتار، 2021

قازاقستاندا العاش رەت: ەۇۋ ءۇزىلىسسىز 10 ساعات تىكەلەي ەفير وتكىزدى

16 رەت كورسەتىلدى

2021 جىلدىڭ 15 قاڭتارىندا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى الەۋمەتتىك جەلى ارقىلى، ءۇزىلىسسىز ون ساعات تىكەلەي ەفير وتكىزدى. نەگىزگى ماقسات – ستۋدەنتتەرگە قازىرگى وقۋ پروتسەسىنىڭ بارىسى مەن جاي-جاپسارى تۋرالى تولىق اقپارات بەرۋ، دەپ حابارلايدى Egemen.kz

تىكەلەي ەفيرگە ۋنيۆەرسيتەتتىڭ 13 فاكۋلتەت دەكانى، اكادەميالىق ماسەلەلەر، تسيفرلىق دامۋ، حالىقارالىق ىنتىماقتاستىق، قارجى دەپارتامەنتتەرىنىڭ ديرەكتورلارى، سونىمەن قاتار ستۋدەنتتەر ءۇيى ديرەكتسياسى مەن عىلىمي كىتاپحانا ديرەكتورى، تىركەۋ ءوفيسىنىڭ باسشىسى، ت.ب.  قاتىستى.

قاتىسۋشىلار سانىنىڭ مۇنشالىقتى كوپ بولۋىنىڭ وزىندىك سەبەبى بار. ويتكەنى، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاقستانداعى جوو اراسىندا العاش رەت ۇيىمداستىرىپ  وتىرعان تىكەلەي ەفير قر ءبىلىم جانە عىلىم مينيسترلىگىنىڭ ماماندارىمەن قاتار، ەلىمىزدەگى كوپتەگەن جوعارى وقۋ ورىندارىنىڭ قىزىعۋشىلىعىن تۋىنداتىپ وتىر.

تىكەلەي ەفيرگە قاتىسقان 4000-نان  اسا ستۋدەنت وقۋ فورماتى، ستۋدەنتتەر ۇيىندە تۇرۋ ەرەجەلەرى، جوو اۋماعىندا قاۋىپسىزدىك شارالارىن ساقتاۋ، ۋنيۆەرسيتەتتىڭ ءبىرىنشى كۋرس ستۋدەنتتەرىن قابىلداۋعا دايىندىعى، جوو قابىرعاسىندا سانيتارلىق نورمالار مەن ەرەجەلەردى قامتاماسىز ەتۋ جانە ت.ب. ماسەلەلەر تۋرالى ناقتى جاۋاپ الدى. ءبىز قويىلعان ساۋالداردى ستاتيستيكا ءۇشىن ساناپ تا كوردىك، از ەمەس – 1200 سۇراق!

ەلباسى نەگىزىن قالاعان ەۋرازيا ۋنيۆەرسيتەتى ستۋدەنتتەردىڭ كەدەرگىسىز وقۋعا كىرىسۋى ءۇشىن قاجەتتى جاعدايلاردىڭ ءبارىن جاساۋدا. بارلىق جەردە سانيتارلىق-ەپيدەميولوگيالىق نورمالار ساقتالعان. جاتاقحانادا تۇراتىن ستۋدەنتتەر ءۇشىن ينتەرنەتكە كەدەرگىسىز قولجەتىمدىلىك جانە ۋنيۆەرسيتەتتىڭ كومپيۋتەرلىك تەحنيكاسىن پايدالانۋ مۇمكىندىگى قامتاماسىز ەتىلگەن.

تاعى ءبىر اقپارات: ل.ن. گۋميلەۆ اتىنداعى ەۇۋ ستۋدەنتتەرى 18 قاڭتاردان باستاپ ەكىنشى سەمەستردى باستايدى. قاڭتار ايىنىڭ سوڭىنا دەيىن ساباقتار ونلاين وتسە، 1 اقپاننان باستاپ باكالاۆريات، ماگيستراتۋرا جانە دوكتورانتۋرانىڭ ءبىرىنشى كۋرس ستۋدەنتتەرى ءۇشىن ساباقتار ارالاس فورماتتا جۇرگىزىلەدى. جوو قابىرعاسىندا دارىستەر-ونلاين، سەمينارلار، زەرتحانالىق ساباقتار جانە باسقا دا پراكتيكالىق ساباقتار - ءداستۇرلى (وفلاين) فورماتتا. ال ءبىرىنشى كۋرس ستۋدەنتتەرى ءۇشىن جاتاقحاناعا ورنالاسۋ قاڭتار ايىنىڭ سوڭىنا دەيىن جالعاسادى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار