الماتىدا ءۇشىنشى تەمىرجول ۆوكزالىنىڭ قۇرىلىسى باستالادى

ايماقتار • 14 قاڭتار، 2021

الماتىدا ءۇشىنشى تەمىرجول ۆوكزالىنىڭ قۇرىلىسى باستالادى

169 رەت كورسەتىلدى

الماتى قالاسىنىڭ شەتكى ايماعىندا الماتى-3 تەمىرجول ۆوكزالىن سالۋ جوسپارلانىپ وتىر. بۇل تۋرالى «ترانسپورتتىق ينفراقۇرىلىم» تاقىرىبى اياسىندا وتكەن «الماتى باس جوسپارىن تۇزەتۋ» جوباسىنىڭ كەزدەسۋى كەزىندە ايتىلدى. Egemen.kz بۇل تۋرالى krisha.kz سايتىنا سىلتەمە جاساي وتىرىپ حابارلادى.

اباي قازبەك ۇلى

– وسىعان دەيىن «قازاقستان تەمىر جولى» اق الماتى-3 ۆوكزالىن سالۋ تۋرالى ۇسىنىس جاساعان. جۇك جانە جولاۋشىلار پويىزدارىنىڭ اعىنىن جەڭىلدەتۋ ءۇشىن ستانسا كەرەك. ساين كوشەسى بارىپ تىرەلىپ جاتقان بورالداي اۋدانىندا ماگيستارلدى جول سالۋدى جانە الماتى-3 ۆوكزالىن قالادان باتىس باعىتقا قاراي سالۋدى ۇسىنامىز. ول جەردە ستانسا كەرەك، ەندى ۆوكزال تۇرعىزۋ كەرەك. وسىلايشا، بۇكىل باتىس ءوڭىر قامتىلاتىن بولادى. الاتاۋ جانە ناۋرىزباي اۋدانىنىڭ تۇرعىندارى الماتى-2 ۆوكزالىنا كەلمەي-اق قالاعا كىرە الاتىن بولادى. وسىلاي ءبىز نەگىزگى ۆوكزالدى قيىندىقتان قۇتقارامىز جانە باۋم توعايى ارقىلى ءوتىپ، ەكولوگيالىق زاڭنامانى بۇزۋى مۇمكىن ەكىنشى تەمىرجول تارماعىن سالۋدان قۇتىلامىز، – دەيدى الماتىگيپروگور-1 جشس باس ديرەكتورىنىڭ ورىنباسارى التاي ساتىبالديەۆ.

ونىڭ ايتۋىنشا، الماتى تەمىرجول تورابىنىڭ جالپى ۇزىندىعى 69 شاقىرىم. الماتى-1 مەن الماتى-2-ءنى قوسا ەسەپتەگەندە توراپ قۇرامىنا 9 ستانسا كىرەدى. قازىر قالا اگلومەراتسياسىن دامىتۋ بويىنشا بىرقاتار جوبالاردى جۇزەگە اسىرۋ جوسپارلانعان. ونىڭ ىشىندە الماتى-1 – الماتى-2 جەلىسىندە ەكىنشى جول قۇرىلىسىن; الماتى-2 ستانساسىندا قالا ماڭىنداعى تەمىرجول تاسىمالى ءۇشىن ۆوكزالى قۇرىلىسىن; الماتى-1 – تالعار باعىتىندا جۇك جانە جولاۋشىلار تەمىرجول تورابىنىڭ قۇرىلىسىن; الماتى – ۇزىناعاش ترامۆاي جەلىسى قۇرىلىسىن سالۋ جوسپارلانىپ وتىر.