دەپۋتاتتىق مانداتتار ايقىندالدى

قازاقستان حالىق پارتياسىنىڭ توراعاسى ايقىن قوڭىروۆ سايلاۋدىڭ قۇقىقبۇزۋشىلىقسىز وت­كەنىن جانە ونىڭ ناتيجەسىن حالىق­ارالىق قاۋىمداستىق مويىنداعانىن جەتكىزدى.

– ءبىز لايىقتى ناتيجە كورسەتتىك. ەندىگى مىندەت – پارتيانىڭ باستامالارىن ويداعىداي جۇزەگە اسىرۋ، – دەيدى پارتيا توراعاسى.

سايلاۋ قورىتىندىسى تۋرالى وسى پارتيانىڭ رەسپۋبليكالىق ساي­لاۋالدى شتابىنىڭ جەتەكشىسى، قازاق­ستان حالىق پارتياسى ورتالىق كومي­تەتىنىڭ حاتشىسى ولجاس سىز­دىقوۆ باياندادى. ونىڭ ايتۋىنشا، ەلىمىزدە پارلامەنت ءماجىلىسى مەن ءماسليحات دە­پۋتاتتارىنىڭ سايلاۋ كەزىندە قازاق­ستان حالىق پارتياسى ۇگىت-ناسي­حات جۇمىستارىن بەلسەندى جۇر­گىزىپتى. پارتيالىق ءتىزىم بويىنشا قازاقستان حالىق پارتياسىنىڭ اتىنان ماجىلىسكە 113 كانديدات جانە ءتۇرلى دەڭگەيدەگى ماسليحاتتارعا 214 كانديدات ۇسىنىلدى.

– سايلاۋعا قاتىسا وتىرىپ، قا­زاق­ستان حالىق پارتياسى زاڭ شىعارۋشى جانە جەرگىلىكتى بيلىك ورگاندارىندا مۇمكىندىگىنشە كوپ ورىن الۋدى كوزدەدى. ءبىزدىڭ الداعى ماقساتىمىز – قاراپايىم ادامداردىڭ قۇقىقتارى مەن زاڭدى مۇددەلەرىن قورعاۋ، – دەيدى و.سىزدىقوۆ.

قازاقستان حالىق پارتياسى ور­تا­لىق كوميتەتىنىڭ حاتشىسى پار­تيانىڭ نەگىزگى باستامالارى حالىق­تىڭ ءومىر ءسۇرۋ ساپاسىن جاقسارتۋعا جانە ەل ەكونوميكاسىن دامىتۋعا باعىتتالعانىن جەتكىزدى. وسىلايشا، پارتيانىڭ سايلاۋالدى باعدارلاماسى قازاقستاندىقتاردىڭ تاراپىنان بارىنشا قولداۋ تاپقانىن اتاپ ءوتتى. دەگەنمەن پارتيانىڭ سايلاۋالدى ۇگىت-ناسيحات جۇمىستارىنىڭ بارى­سىندا ءتۇرلى قيىندىقتار دا تۋىن­داعان كورىنەدى. ماسەلەن، ەلىمىزدە مۇنداي ماڭىزدى ناۋقان العاش رەت پاندەميا جاعدايىندا ءارى شەكتەۋ شارالارى شەڭبەرىندە جۇرگىزىلگەن بولاتىن.

– ءبىز سايلاۋالدى تۇعىرنامانىڭ ءاربىر سايلاۋشىعا جەتۋى ءۇشىن بار كۇ­شىمىزدى سالدىق، – دەيدى و.سىز­دىقوۆ.

وسىلايشا، قازاقستان حالىق پار­تياسى ۇگىتتەۋشىلەرى مەن سەنىمدى وكىلدەرى ەل اۋماعىندا 500-دەن استام ءتۇرلى ۇگىت-ناسيحات جۇمىسىن ۇيىم­داستىرىپ، 1 ملن-عا جۋىق ۇگىت-ناسي­حات ءونىمىن تاراتتى. پارتيا الەۋ­مەتتىك جەلىلەردە اۋقىمدى اقپاراتتىق جۇمىستى قولعا الدى. ناۋقان كەزىندە كوپتەگەن حابارلاما، سونداي-اق 8 ملن رەت قارالعان 200-دەن استام ءتۇرلى بەينەروليك پەن بەينەوتىنىش جاريالاندى. ول جۇمىستار وڭ ناتيجەسىن بەردى. پارلامەنت ءماجىلىسىنىڭ سايلاۋىندا قازاقستان حالىق پارتياسى 9،1% داۋىس جيناپ، 10 دەپۋتاتتىق مانداتقا يە بولدى.

– بۇل باستاماسى عانا! جارتى ميلليوننان استام قازاقستاندىق بىزگە داۋىس بەردى. ەندى سولاردىڭ سەنىمىن اقتاۋعا ءتيىسپىز! – دەيدى حالىقشىلدار.

سەزد بارىسىندا دەپۋتاتتىق مانداتتار پارتيالىق تىزىمدەگى كانديداتتار اراسىندا داۋىس بەرۋ ارقىلى ءبولىندى. وسىلايشا، قازاقستان حالىق پارتياسىنىڭ اتىنان پارلامەنت ماجىلىسىنە كەلەسى ازاماتتار ۇسىنىلىپ وتىر:

1. ايقىن قوڭىروۆ
2. جامبىل احمەتبەكوۆ
3. يرينا سميرنوۆا
4. الەكساندر ميليۋتين
5. سەرگەي رەشەتنيكوۆ
6. ايبەك پاياەۆ
7. عازيز قۇلاحمەتوۆ
8. ەرلان سمايلوۆ
9. فايزوللا كامەنوۆ
10. ايجان سقاقوۆا.

ءوز كەزەگىندە ءماجىلىس دەپۋتاتى يرينا سميرنوۆا ارىپتەستەرىن جا­نە پارتيالاستارىن جەڭىسپەن قۇتتىق­تادى. دەپۋتات قازاقستاننىڭ ءار ازاماتى ناقتى وزگەرىستەردى كۇتەتىنىن جانە قازاقستان حالىق پارتياسى جاعدايدى جاقسى جاققا باعدارلاي الاتىنىن جەتكىزدى.