باعدارلاما جاساۋشىلار مۇنى مەسسەندجەردىڭ Facebook كورپوراتسياسىنىڭ قۇرامىنا كىرۋىمەن تۇسىندىرەدى. اقپاراتپەن ءبولىسۋ نارىق تالداۋى, قولدانۋشىلاردىڭ تالعامى مەن جاسى تۋرالى ورتاق ستاتيستيكا جاساۋ ءۇشىن ماڭىزدى دەسەدى. مۇنى ەستىگەن تۇرىك اعايىندار قوسىمشانى ءوشىرىپ, جاڭا پلاتفورما ىزدەۋگە كىرىستى. باعدارلامانى قولدانۋدان باس تارتقاندار قاتارىندا ەل پرەزيدەنتى رەجەپ تايپ ەردوعان دا بار.
ۇكىمەت Turkcell كومپانياسى ۇسىنعان BiP مەسسەندجەرىن قولدانۋعا كەڭەس بەردى. پرەزيدەنت اكىمشىلىگى جۇمىس توپتارى سول پلاتفورمادا قۇرىلاتىنىن حابارلادى. پرەزيدەنت ر.ەردوعان جۋرناليستەردى وتاندىق قوسىمشاعا وتۋگە شاقىردى.
Telegram يەسى پاۆەل دۋروۆ كەيىنگى كۇندەرى 25 ملن-عا جۋىق ادام قوسىمشاعا تىركەلگەنىن حابارلادى. وسىلايشا, Telegram قولدانۋشىلار سانى جارتى ميللياردقا جەتكەن.
