الماتى وبلىستىق توتەشە جاعدايلار دەپارتامەنتىنىڭ وكىلى: «12 قاڭتار كۇنى كەشكى ساعات 17:57-دە الماتى وبلىسىنىڭ «101» پۋلتىنە تالعار اۋدانى, بەساعاش اۋىلى «دۋمان» شاعىناۋدانىنداعى «نۇريا» تۇرعىن ءۇي كەشەنىنەن ءورت شىققانى تۋرالى حابارلاما ءتۇستى. وقيعا ورنىنا الماتى وبلىسىنىڭ تجد جەكە قۇرامىنىڭ 16 مامانى مەن 6 ءورت ءسوندىرۋ تەحنيكاسى جانە الماتى قالاسىنىڭ تجد 10 قىزمەتكەرى مەن 2 تەحنيكاسى اتتاندى», دەپ مالىمدەدى.
بۇدان باسقا, توتەنشە جاعداي قىزمەتكەرلەرى وقيعا ورنىنا جەتكەنشە ءورت تولىقتاي سوندىرىلگەن. بەلگىلى بولعانداي جاڭادان سالىنعان تۇرعىن ءۇي كەشەنىنىڭ تەك سىرتقى قاباتى ورتەنگەن. بۇل ۇيدە ەشكىم تۇرمايدى. زارداپ شەككەندەر جوق.
