ەكونوميكا • 12 قاڭتار، 2021

2021 جىلى قانداي بانكتىك دەپوزيت تيىمدىرەك بولادى؟

586 رەت كورسەتىلدى

رەسەيلىك ساراپشى 2021 جىلى قانداي بانكتىك دەپوزيت تيىمدىرەك بولاتىنىن ايتتى. بۇل تۋرالى  ريا باسىلىمى مالىمدەدى، دەپ جازادى Egemen.kz

«قازىر دەپوزيتتەر بويىنشا سىياقى مولشەرلەمەسىنىڭ دەڭگەيى تومەن، ياعني بۇل جاعداي ينفلياتسيادان ۇنەمدەۋگە مۇمكىندىك بەرمەيدى. بىراق جاعداي باسقاشا بولىپ كەتۋى مۇمكىن»، دەدى Klopenko Group كومپانياسىنىڭ اتقارۋشى ديرەكتورى دميتري يۆانوۆ.

ساراپشى ينفلياتسيا دەڭگەيى شامامەن 5% بولعان كەزدە دەپوزيت كىرىس اكەلمەيتىنىن ايتتى.

- ءارى ءتيىمسىز بولادى دەگەندى بىلدىرەدى. دوللارداعى دەپوزيتتەر بويىنشا جاعداي ۇقساس - ستاۆكالار تىم تومەن. سوندىقتان، ەگەر ءسىز دەپوزيتكە اقشا ۇنەمدەگىڭىز كەلسە،ەڭ جوعارى پايىزدىق مولشەرلەمەنى ۇسىناتىن بانكتەرگە حابارلاسقانىڭىز ءجون. الايدا ءبارى وزگەرۋى ابدەن مۇمكىن، دەپ تولىقتىرادى ساراپشى.

ەگەر رەتتەۋشى 2021 جىلى شەشۋشى مولشەرلەمەنى كوتەرۋ تۋرالى شەشىم قابىلداسا (قازىر ول 4،25% دەڭگەيىندە)، بۇل بانكتەردەگى دەپوزيتتەر بويىنشا سىياقى مولشەرلەمەسىنىڭ وسۋىنە اكەلەدى.

«بۇل جاعدايدا تۇتىنۋشىلارعا ەڭ جوعارى پايىزدىق مولشەرلەمە مەن ءپاسسيۆتى كىرىسكە كەپىلدىك بەرەتىن بانك قۇرىلىمىن تاڭداۋ كەرەك»، دەپ اتاپ ءوتتى قارجىگەر.

 

ايدا ورالبەك

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ۇقساس جاڭالىقتار